Гэта ўжо трэці ролік у межах новага праекта майстэрні, але дакладна першы які кранае тэму экалогіі.
"Усе мы ведаем, што грамадства павінна быць выхаваным, паважаць і развіваць сваю нацыянальную культуру. Мы можам гадзінамі абмяркоўваць стан беларускай мовы і экалагічную сітуацыю. Мы ведаем і абмяркоўваем, але не робім. Звычайна чалавек лічыць, што ад яго нічога не залежыць. Большасць нас звыклыя думаць, што займацца культурнымі і сацыяльнымі працэсамі трэба іншым, але толькі не нам." - дзеляцца канцэптам праекта заснавальнікі Майстэрні сацыяльнага кіно.