Па інфармацыі "Берасцейскай вясны", экаактывіст Алег Вялаў выказаў перад прысутнымі думку, што час працуе на карысць пратэстуючых, бо акумулятарнае прадпрыемства спыненае, а грошы плаціць мусіць і работнікам і падаткі дзяржаве... Што набліжае ягоны эканамічны крах.
Не абышлося без "папярэджанняў" падобных да пагроз - "...будуць ідэнтыфікаваныя і пакараныя... ". Яны прагучалі з боку міліцыі і тычыліся недапушчэння парушэння заканадаўства аб масавых мерапрыемствах. За пратэстуючымі назіралі людзі ў цывільным, адбывалася відэфіксацыя.
Прысутныя ўздымалі розныя пытанні: і выбары, і "табакеркі", і новыя метады ўладаў па ціску на экаактывістаў праз праверку ўмоў утрымання дзяцей экаактывістамі.
"Яны намагаюцца паставіць нашых дзяцей у сацыяльна небяспечнае становішча. Я сам прайшоў праз гэта!" - нагадаў прысутным экаактывіст Віталь Казак.
Мірнае мерапрыемства скончылася традыцыйным шэсцем. Затрыманняў не было.
Тым часам, шэсць мітынгаў з 20 па 25 жніўня плануецца правесці на стадыёне дзіцяча-юнацкай спартыўнай школы "Прыбужжа" ў вёсцы Тэльмы Брэсцкага раёна. Заяўкі на іх правядзенне былі пададзеныя ў Брэсцкі райвыканкам 9 жніўня. Па адным мітынгу 25 жніўня – на пляцоўцы перад Домам культуры ў гэтай жа вёсцы і ў СЭЗ «Брэст» побач з заводам, паведамляюць naviny.by са спасылкай на праваабаронцу Рамана Кісляка.
А між тым ужо вядомыя вынікі пробаў паветра і глебы, якія яшчэ 5 жніўня зрабіла лабараторыя Брэсцкага цэнтра гігіены, эпідэміялогіі і грамадскага здароўя, паведамляе Брэсцкая газета. Перавышэння гігіенічных нарматываў па ўтрыманню свінца ў пробах не знайшлі.