Фінскі экалагічны часопіс Suomen Luonto абвясціў пераможцу прэміі "Найбольш непатрэбная рэч года". Сумніўную ўзнагароду атрымаў пластыкавы кантэйнер для захоўвання яек. Яшчэ ў гэтым конкурсе адзначылі рэкламныя буклеты пошты Фінляндыі. Дзякуючы друкаваным лістоўкам кожны фін штогод атрымлівае паўкіло непатрэбнага смецця.
Пераможца прэміі часопіса Suomen Luonto быў абраны з больш чым 400 намінантаў. Па словах выдання, паўсюдна ўжо вырабляюцца больш экалагічныя віды ўпаковак.
Прэмія "Найбольш непатрэбная рэч года" прысуджаецца з 2000 года. У мінулым годзе такой рэччу назвалі пастку для насякомых, а ў 2013 - пакет з пахам для смецця.