У выніку перанасычэння ўнутранага рынку, рынкавыя цэны на электрычнасць сышлі ў вобласць адмоўных значэнняў і дасягнулі мінус € 50 за мегават гадзіну, піша gazeta.ru.
«Падобныя выпадкі вельмі важныя, бо хтосьці ў канчатковым выніку будзе вымушаны сыходзіць з рынку ў сувязі з перанасычэннем рынку энергіі. Зараз неабходна ўкладвацца ў тэхналогіі для перспектывы, якія маглі б захоўваць энергію, якая не знайшла пакупніка ў сувязі з празмернасцю прапановы», — адзначае аналітык Bloomberg New Energy Finance Манэ Дэпраэтрэ. Ён таксама адзначае, што неабходна інвеставаць у электрасеткі інтэрканектара, каб лішкі энергіі можна было аператыўна перакідваць іншым кліентам.
Агенцтва адзначае, што беспрэцэдэнтны рост «зялёнай энергетыкі» праходзіць па ўсёй Еўропе. У Нямеччыне яго шмат у чым справакавала Ангела Меркель, якая імкнулася перамагчы манаполію вугальных і газавых электрастанцый. А Данія, напрыклад, ужо можа выпрацоўваць 140% агульнанацыянальнага попыту на энергію з дапамогай аднаўляльных крыніц. Тым не менш, Дэпраэтрэ мяркуе, што чакаць поўнага пераходу на аднаўляльныя крыніцы пакуль не варта, бо яны залежныя ад прыроды, а «энергію выпрацоўваць трэба заўсёды».
Яшчэ ў жніўні 2015 году аднаўляльныя крыніцы Германіі пакрывалі толькі 78% попыту. Таксама паведамлялася, што амерыканская кампанія Tesla мае намер пачаць вытворчасць акумулятараў ў Германіі.