Крыніцамі звалак на прыпынках з'яўляюцца дачнікі, што вычышчаюць участкі ад бытавога смецця на зіму, таксама гараджане, што едучы міма, піша сайт "Віцьбічы".
Не было вывезена смецце і з кантэйнераў на могілках у Мазурына, адзін з якіх належыць спецкамбінату, а другі - спецаўтабазе. Ля садовага таварыства "Бібіраўка" таксама кантэйнерная пляцоўка была перапоўнена бытавым смеццем і іншым шлакам.
Галоўны эколаг звязаўся з адміністрацыяй Кастрычніцкага раёну, каб агаварыць месцы знаходжання несанкцыянаваных звалак, пасля чаго адміністрацыя ў сваю чаргу павінна даручыць камунальным службам вывезці смецце на палігон.
У цэлым за бягучы год эколагамі было праведзена 7250 абследаванняў гарадскіх тэрыторый і гаспадарчых суб'ектаў, 1074 км прыдарожных палос аўтатрас, 156 тэрыторый водных аб'ектаў, 106 могілак і 913 садовых таварыстваў і гаражных каператываў. Выяўлена 405 несанкцыянаваных звалак, што былі ўжо ліквідаваны.