Да канца месяца ўстановы адукацыі Беларусі могуць падаць заяўку на падтрымку ў правядзенні мерапрыемстваў па тэме рэсурсазберажэнне і захаванне клімату, паведамляе сайт "Экапартнёрства".
Падтрымка будзе аказвацца ў правядзенні адкрытага уроку, па-закласнага мерапрыемства, сустрэчы школьнага эка-клуба, арганізацыі конкурсу ці акцыі. Творчыя экалагічныя ініцыятывы павінны быць прымеркаваны да экалагічных дат і накіраваны на асвету моладзі і насельніцтва пра праблемы рацыянальнага выкарыстання рэсурсаў і энергіі, аднаўляльнай энергетыкі і прадухілення змянення клімату.
16 лютага будуць названы ініцыятывы, што атрымаюць падтрымку ад SPARE, вынікі адбору можна будзе даведацца на сайце праекту.
Па ўмовах установа адукацыі павінна мець статус SPARE-школы, з астатнімі патрабаваннямі можна больш падрабязна пазнаёміцца на сайце МГА "Экапартнёрства".
Запоўненую форму заяўкі неабходна даслаць у "Экапартнёрства" на электронную пошту ma@ecoproject.by ці па факсу 8 017 336 01 89 да 31 студзеня.