У Цэнтральнай навуковай бібліятэцы ім. Я. Коласа НАН Беларусі (вул. Сурганава, 15) 5 снежня з 9.00 да 15.00 адбудзецца круглы стол па абмеркаванні Праекту Закона Рэспублікі Беларусь "Аб унясенні дадаткаў і змяненняў у некаторыя законы Рэспублікі Беларусь па пытаннях аховы навакольнага асяроддзя і ўдзелу грамадскасці ў прыняцці рашэнняў, якія датычацца навакольнага асяроддзя".
Таварыства "Зялёная сетка" робіць свой унёсак у распрацоўку механізмаў і паляпшэння практыкі праняцця рашэнняў у вобласці навакольнага асяроддзя.
"Мы лічым неабходным далейшую імплементацыю Архускай канвенцыі ў нацыянальнае заканадаўства, а таксама ўдасканаленне правапрымяняльнай практыкі ў дадзенай галіне", - паведамляецца ў прэс-рэлізе таварыства.
У 2013-2014 гг. таварыствам сумесна з ГА "Экадом" было праведзена даследаванне інфармавання грамадзян мясцовымі выканкамамі праз сайты пра грамадскія абмеркаванні. Таксама сумесна з Цэнтрам Еўрапейскай трансфармацыі праведзена даследаванне практыкі ўдзелу грамадскасці ў працэсе прыняцця рашэнняў па экалагічна значных пытаннях. Вынікі абодвух даследаванняў будуць прадстаўлены на круглым стале.
Акрамя беларускіх спецыялістаў удзел у мерапрыемстве возьмуць эстонскія і літоўскія эксперты, якія раскажуць пра іх вопыт рэалізацыі Архускай канвенцыі і пра паспяховыя практыкі ў вобласці экалагічна значных рашэнняў.
Для ўдзелу ў круглым стале неабходна зарэгістравацца да 2 снежня праз e-mail - greenbelarus@gmail.com з пазнакай "Круглы стол".
Папярэдняя праграма круглага стала:
| 9.00-9.30 | Рэгістрацыя ўдзельнікаў | |
| 9.30-10.00 | Прэзентацыя вынікаў маніторынгу сайтаў мясцовых выканкамаў на прадмет інфармавання пра правядзенне грамадскіх абмеркаванняў | Таварыства "Зялёная сетка" |
| 10.00-10.30 | Аналіз практыкі прыняцця рашэнняў у вобласці архітэктурнай, горадабудаўнічай дзейнасці | Ганна Скрыган, ГА "Экапраект" |
| 10.30-11.30 | Вынікі даследавання "Практыка ўдзелу грамадскасці ў працэсе прыняцця рашэнняў па экалагічна значных пытаннях" | Цэнтр еўрапейскай трансфармацыі |
| 11.30-12.00 | Паўза на каву/чай | |
| 12.00-12.30 | Пазітыўныя практыкі прыняцця рашэнняў у экалагічна значных пытаннях | Сіім Вахтрус, Экстонскі Экалагічны прававы цэтр (Siim Vahtrus, Estonian Environmental Law Center) |
| 12.30-13.00 | Пазітыўныя практыкі прыняцця рашэнняў у горадабудаўнічых пытаннях | Раса Навіцкіне, архітэктар, старшыня грамадскай камісіі па урбаністыцы пры самакіраванні г. Вільнюс |
| 13.00-14.00 | Абмеркаванне прапаноў па паляпшэнню практыкі ўдзелу грамадскасці пры прыняцці экалагічна значных рашэнняў | |
| 14.00-15.00 | Абед |