Дата проведения:
13.03.2015

Грамадская арганізацыя "Экадом" пры супрацоўніцтве з установамі "Агра-Эка-Культура", "Цэнтр экалагічных рашэнняў" і ўдзеле Дзяржаўнай навуковай установы "Інстытут эксперыментальнай батанікі ім. В. Ф. Купрыевіча НАН Беларусі" запрашае на спецыялізаваную канферэнцыю "Біяпрэпараты ў раслінаводстве. Беларускія практыкі".

На канферэнцыі будуць прадстаўлены напрацоўкі спецыялістаў у вобласці распрацоўкі і вытворчасці біялагічных сродкаў абароны раслін і біялагічных угнаенняў.

Мерапрыемства ўключае ў сябе:

  • выступленне нацыянальных экспертаў па арганічнай сельскай гаспадарцы;
  • прэзентацыя магчымасцяў экалагічнай сертыфікацыі гаспадарак у Беларусі;
  • прадстаўленне некамерцыйных арганізацый, якія працуюць над прасоўваннем арганічнай сельскай гаспадаркі ў Беларусі;
  • даклады-прэзентацыі беларускіх распрацоўшчыкаў біяпрэпаратаў;
  • дыскусія.

Дзеля ўдзелу ў канферэнцыі неабходна загадзя зарэгістравацца, запоўніўшы заяўку ўдзельніка.

Калі вы з'яўляецеся распрацоўшчыкам/вытворцам біяпрэпаратаў, што прымяняюцца ў арганічнай сельскай гаспадарцы - запоўніце адпаведную заяўку дакладчыка.

Канферэнцыя пройдзе 13 сакавіка ў ДНУ "Інстытут эксперыментальнай батанікі ім. В. Ф. Купрыевіча НАН Беларусі" (Акадэмічная, 27) з 12.00 да 17.00.