Грамадскае об'ядненне “Ахова птушак Бацькаўшчыны” абвяшчае нацыянальны фотаконкурс “Птушка ў аб’ектыве – 2008”, які ладзіцца з мэтай папулярызацыі прыроды Беларусі праз сродкі фотамастацтва.

Да ўдзелу запрашаюцца прафэсiяналы і аматары. Прымаюцца асобныя фотаздымкі фарматам 20х30 см. і серыі здымкаў, якія не ўдзельнічалі ў конкурсе раней.

Фотаздымкі павiнны суправаджацца электронным арыгіналам (акрамя зробленых стужкавай камерай), спісам з назвай намінацыі, датай і месцам здымак, а таксама звесткамі пра аўтара і кантактамі. Кожны аўтар можа прадставіць не больш за 3 здымка ў кожнай з намінацыи. Тэматычная сэрыя з 5 і меней здымкаў лічыцца адной працай.

Фотаздымкі прымаюцца па адрасе: а/с 306, Менск, 220050 з пазнакай «Фотаспабор» альбо на эл. адрас: Этот e-mail защищен от спам-ботов. Для его просмотра в вашем браузере должна быть включена поддержка Java-script  Апошні тэрмін прыёма фотаздымкаў: 1 лістапада 2008 г. Падрабязная інфармацыя: http://ptushki.org