У таварыства ўваходзяць 15 экалагічных грамадскіх арганізацый і 15 індывідуальных чальцоў з розных абласцей Беларусі.
Абласное грамадскае аб'яднанне «Гомельская асацыяцыя дзяцей і моладзі» (АСДЕМО)
Грамадская некамерцыйная няўрадавая арганізацыя з рэгіянальнымі падраздзяленнямі ў іншых гарадах Гомельскай вобласці (Рэчыца, Тураў, Жлобін, Мазыр, Рагачоў, Буда-Кашалёва). Прыярытэтамі дзейнасці з'яўляюцца праблемы аховы навакольнага асяроддзя і сацыяльныя пытанні.
Грамадская арганізацыя «Багна»
Мэтай грамадскай арганізацыі «Багна» з'яўляецца распаўсюджванне ідэй ўстойлівага развіцця, ахова навакольнага асяроддзя і забеспячэнне правоў грамадзян на спрыяльнае навакольнае асяроддзе. Прадмет дзейнасці арганізацыі - абарона дзікай прыроды, асабліва ахоўных прыродных тэрыторый і водна-балотных угоддзяў Беларусі.
Грамадская арганізацыя па спрыянню ўстойлівага развіцця Шумілінскага рэгіёну «ЭкаБум»
Мэта аб’яднання – рэалізацыя прынцыпаў устойлівага развіцця Шумілінскага рэгіёна ў адпаведнасці з Нацыянальнай стратэгіяй сацыяльна-эканамічнага развіцця Рэспублікі Беларусь. «Эка-бум» распрацоўвае мерапрыемстваы па рацыянальным выкарыстанні прыродных рэсурсаў і ахове навакольнага асяроддзя, навучае правільнаму сартаванню бытавых адкідаў, садзейнічанне развіццю краязнаўства, экатурызму і многае іншае.
Грамадскае аб'яднанне раварыстаў «Велагродна»
Асноўная мэта «Велагродна» - папулярызацыя ровара як экалагічнага транспарту і сродку актыўнага адпачынку, садзейнічанне фарміраванню здаровага ладу жыцця, развіццю роварнай інфраструктуры і роварнага руху.
Рэспубліканскае сацыяльна-экалагічнае грамадскае аб'яднанне «Жывое партнёрства»
Дзейнасць аб'яднання накіравана на абарону навакольнага асяроддзя, рацыянальнае выкарыстанне энергетычных рэсурсаў, развіццё нетрадыцыйных і узнаўляльных крыніц энергіі, захаванне і ўмацаванне здароўя насельніцтва. Аб'яднанне актыўна прапагандуе ўкараненне сістэмы экалагічнага менеджменту ў сацыяльных, адукацыйных і царкоўных арганізацыях.
Экагалічны фонд «За чыстую Прыпяць»
Асноўнай мэтай фонду з'яўляецца садзейнічанне паляпшэнню экалагічнага стану ракі Прыпяць, стварэнне і арганізацыя грамадскага руху за здаровую і спрыяльную экалагічную абстаноўку.
У 2017 годзе фонд удзельнічаў у розных экалагічных кампаніях, напрыклад, у прыборках "Зробім!". Вялікі ўклад арганізацыя ўнесла ў кампаніі "Стоп Е-40" і "Супраць арэнды ракі Прыпяць".
Міжнароднае грамдскае аб'яднанне эколагаў
Асноўная мэта дзейнасці - аб'яднанне спецыялістаў у сферы экалогіі.
Грамадскае аб'яднанне «Мінскае роварнае таварыства»
Мінскае роварнае таварыства займаецца развіццём роварнага руху і роварнай інфраструктуры ў Мінску і Мінскай вобласці з 2011 года. 2017 год у аб'яднанні называюць прарыўным для роварнага руху Беларусі. Актыватарам змяненняў стаў праект «Гарадскі роварны рух у Беларусі» пры фінансавай падтрымцы Еўрасаюза, які рэалізуецца сумесна з Цэнтрам экалагічных рашэнняў.
Эколага-краязнаўчае грамадскае аб'яднанне «Неруш»
Добраахвотнае аб'яднанне, створанае з мэтай арганізацыі асветніцкай дзейнасці, падтрымкі і развіцця грамадскіх ініцыятыў у сферы аховы навакольнага асяроддзя і краязнаўства. Неруш ўжо 20 гадоў аб'ядноўвае ініцыятывы грамадзян па пытаннях навакольнага асяроддзя.
Беларускае маладзёвае грамадскае аб’яднанне «Час Зямлі»
Аб'яднанне «Час Зямлі» - гэта актыўныя грамадзяне Брэсцкай вобласці, згуртаваныя агульнай ідэяй абароны і паляпшэння навакольнага асяроддзя і захавання прыроднага патэнцыялу Беларусі. Дзейнасць накіравана на папулярызацыю зялёнага руху, захаванне і развіццё зялёных зон у гарадской і сельскай мясцовасці і вырашэнне канкрэтных экалагічных праблем у Брэсцкім і Пінскім рэгіёне.
Грамадскае аб'яднанне «Экадом»
«Экадом» – рэспублiканскае грамадскае аб`яднанне, ставіць сваёй мэтай прапаганду экалагічна мэтазгоднага ладу жыцця і ідэі ўстойлівага развіцця. Напрамкі дзейнасці:
- Прававая служба;
- Антыядзерная кампанія і ўзнаўляемая энергетыка;
- Зялёны тэлефон;
- Павышенне асведамлённасці аб прыследваннях актывістаў
- Пермакультура і арганічная сельская гаспадарка
- Эка-арт.
Культурна асветніцкая установа «Цэнтр урбаністычных праектаў і ініцыятыў «Прастора»
Бярозаўскае раённае экагалічнае аб'яднанне "ЭкаРэгіён"
Асноўная мэта дзейнасці аб'яднання - садзеўнічанне ўстойліваму сацыяльна-эканамічнаму развіццю Бярозаўскага раёну на аснове компекснага выкарыстання прыродных рэсурсаў, павелічэнню інвестыцый, захавання ўмоў ўзнаўлення прыродна-рэсурснага патэнцыялу і стварэння спрыяльных умоў для пражывання насельніцтва раёна.
Эколага-краязнаўскае грамадскае аб'яднанне "Ясельда" Іванаўскага раёну
Асноўная мэта дзейнсці - захаванне навакольнага асяроддзя Іванаўскага раёну Брэсцкай вобласці для жыхароў і гасцей рэгіёну.
- Балоціна Інэса
- Быстрык Арцём
- Вінчэўскі Аляксандр
- Вайцешык Аляксандр
- Казулька Георгій
- Каралева Святлана
- Куталоўскі Ігар
- Майсюк Алена
- Наздра Павел
- Панчкоўская Іна
- Пастухоў Ігар
- Платоненка Леанід
- Парэчына Наталля
- Семенас Святлана
- Сташкевіч Уладзімір