«Трэба было мне сюды дачку сваю ўзяць, ёй бы дакладна тут спадабалася», - смяецца адзін з супрацоўнікаў ДАІ і з энтузіязмам пачынае ўпраўляцца з рыдлёўкай. 23 красавіка каля Гарадзенскага дзіцячага хоспіса можна было заўважыць дзясяткі мужчын з граблямі, сякерамі, рыдлёўкамі ды фарбамі. Падчас суботніка супрацоўнікі хоспіса, ДАІ Гродна і дзіцячай паліклінікі №2 разам ператварылі тэрыторыю каля будынка ўстановы ў «Каляровы дворык».