03.09.2021 / 09:09

Да галоўнай рэдактаркі «Зялёнага партала» Яніны Мельнікавай прыйшлі сілавікі. Пра гэта яна паспела паведаміць пасля 8 раніцы на сваёй старонцы ў Facebook.

Яніна Мельнікава ўзначаліла «Зялёны партал» у 2017 годзе.

«Па адчуваннях, зараз журналісцкія стандарты крыху ссунуліся. [Па гэтых стандартах] ты не павінен займаць чыйсьці бок, але, абараняючы герояў, ты ўжо не аб’ектыўны. Мы адчулі, што працуем, як ваенныя карэспандэнты», — перадае яе словы, датычныя цяперашніх умоў працы ў Беларусі, «Міжнародная журналісцкая сетка» Ijnet.org.

Сувязі з Янінай Мельнікавай пакуль няма. Вядома, што ў кватэру ламалі дзьверы. Каля 10.10 яе вывелі з кватэры ў бус, яна паехала ў Следчы камітэт. Падчас вобшуку ў яе вынялі техніку, статус Яніны Мельнікавай - сведка.

Сёння раніцай таксама прыйшлі да Ірыны Сухій, сябры савета ГА "Экадом". Каля 9 раніцы пазванілі яе дачцы, прадставіліся як КДБ і ветліва паведамілі, што хочуць правесці вобшук, спыталі, хто ім адчыніць дзьверы, каб іх не ламаць.  У пастанове аб вобшуку былі "тры радкі розных артыкулаў крымінальнага кодэксу".

Больш навінаў пакуль няма, сама Ірына знаходзіцца за мяжой і ў бяспецы. ГА "Экадом" - найстарэйшая экалагічная арганізацыя Беларусі, якую на мінулым тыдні ліквідаваў Вярхоўны суд. Як удакладнілі арганізацыі падчас суду, улады не лічаць, што са знікненнем "Экадому" краіна нешта страціць.

Яніна Мельнікава, галоўная рэдактарка "Зялёнага партала" і кіраўніца праекта "Медыякрытыка" mediakritika.by
Яніна Мельнікава, галоўная рэдактарка "Зялёнага партала" і кіраўніца праекта "Медыякрытыка" mediakritika.by

Автор:
Фотограф:
Антон Сурапін
Листайте дальше, чтобы прочитать следующую новость