“Восень, асабліва тады, калі сонца яшчэ грэе, а лісце ўжо афарбавалася ў розныя колеры і апала з дрэваў — цудоўны час года. Пры гэтым няма розніцы, дзе вы ў гэты момант знаходзіцеся — у нашым улюбёным Гомелі ці нават у Празе, – кажа ў сваім відэаблогу Яўген Меркіс.
– І, як не дзіўна, паразмаўляць я хацеў бы менавіта пра апалае лісце, а дакладней — пра татальную практыку зачысткі і прыбірання лістоты ў нашых гарадах увосень. Бо часта і супрацоўнікі камунальных службаў, і ўдзельнікі шматлікіх суботнікаў у жаданні зрабіць прыгожа толькі шкодзяць зялёным насаджэнням. Давайце разбірацца, чаму так адбываецца і што з гэтым можна зрабіць”.