Сажайте деревья, а не журналистов

Hand-made котавалянцінкі для каханых у дапамогу гадаванцам прытулка

Напярэдадні Дня ўсіх закаханых — 14 лютага, крамы перапаўняюцца людзьмі, што жадаюць парадаваць сваю палову прыемным знакам увагі — падарункам. Аднак у большасці сваёй традыцыйныя атрыбуды гэтага свята — кветкі, мяккія цацкі і шары — усяго толькі імгненная радасць і ў перспектыве доўгатэрміновая пакута для наваколля.

12.02.2019 Жыццё ў стылі «эка» Аўтар: Хрысціна Чарняўская Фота: сацыяльныя сеткі гераіні, Хрысціна Чарняўская, Зялёны партал

Калі ўжо без падарунка на Дзень усіх закаханых ніяк не абыйсціся, эколагі раяць адмаўляцца ад знакаў ўвагі сваім каханым людзям, толькі дзеля знака ўвагі, і прыносіць карысць учынкамі і рэчамі.

Існуе некалькі слушных парадаў, каб зрабіць правільны і максімальна бясшкодны выбар. Напрыклад, звяртайце ўвагу на краіну вытворцу той ці іншай рэчы: пры выбары кветак гэта дазволіць скараціць іх экаслед, а ў выпадку з цацкамі і сувенірнымі забаўкамі нават пазбегнуць таксічнага атручвання; аддавайце перавагу натуральнаму, практычнаму і даўгавечнаму тавару; лепш рабіце карысныя і добрыя справы ад імя сваіх паловак, а не захламляйце наваколле непатрэбнымі матэрыяльнымі рэчамі. Спіс можна прадоўжыць.

У якасці больш канкрэтных прыкладаў для падарункаў можна разгледзіць шматразовыя тэрмакубкі, якія дазволяць адмовіцца ад аднаразовых неперапрацоўваемых папяровікаў. А заадно дапамогуць эканоміць грошы на кававых паўзах у горадзе. Бо дзякуючы свайму кубачку і My cup, please!, водарны напой можна набываць у кафэ-парнёраў ініцыятывы з прыемнымі зніжкамі.

Цікавыя і арыгінальныя рэчы знойдуцца ў zerowaste крамах Zerro ці EcoKit. У тым ліку касметычныя сродкі.

Не дрэнна ў гэты дзень зрабіць шырокі жэст. Прабегчыся вачыма па шматлікіх валанцёрскіх суполках дапамогі беспрытульным жывёлам і выбраць пару гадаванцаў. Не, не для ператрымкі ці каб забраць дадому, бо гэта вельмі сур'ёзны крок і знянацку лепей не прымаць такія рашэнні. А выдзяліць для сябе тых, каму вы можаце ахвяраваць адкладзеныя на падарунак грошы. У большасці сваёй сабакам і катам неабходна падтрымка ў аплаце ветманіпуляцый, лекаў, платных ператрымак, а таксама сродкі на корм.

Знайсці небарак, якія чакаюць дапамогі можна ў суполках у сацыяльных сетках:

І на сайтах арганізацый:

Да ўсяго, такі ўчынак можа быць заахвочаны вырабам ручной работы, у якасці падзякі. Бо набываючы мяккую hand-made цацку, вы тым самым падтрымліваеце беспрытульных гадаванцаў. І адным стрэлам патрапляеце ў дзве цэлі.

Ідэя такога кшталту ініцыятывы прыйшла на думку адной мінскай валанцёрцы.

Оля ўжо ля 10 год займаецца выратаваннем і прыстройствам беспрытульных жывёл, з'яўляецца сталай валанцёркай у прытулку Домік выратаваных душ і дапамагае індывідуальна некаторым гадаванцам. Тым, з кім звядзе лёс, падкрэслівае дзяўчына.

Заняцца пашывам цацак, вырабам дэкаратыўных элемантаў, мяккіх магнітаў і цацанак, упрыгожанняў, каб такім чынам дапамагаць жывёлам, што знаходзяцца пад яе апекай, Оля вырашыла нераптоўна. Сваю прадукцыю яна рэалізоўвае праз суполку "Мяккая цацка ў дапамогу беспрытульным жывёлам" і іншыя групы падтрымкі жывёл, а таксама на спецыялізаваных выставах.

Выкрайкі для вырабаў дзяўчына знаходзіць у інтэрнэце ці часопісах. Аднак ужо на свой густ падганяе пад патрэбны памер, надае форму, дадае ці прыбірае некаторыя элементы. Пры ўсім, прызнаецца яна, нават з аднаго малюнка атрымоўваюцца індывідуальны рэчы.

Ідэя ствараць тэматычныя вырабы пад папулярныя святы ляжала практычна па паверхні. Бо цацкі і розныя забаўныя дробязі, бадай, самыя папулярныя тавары сярод дзяцей і дарослых.

Таму ў асартыменце тавараў ёсць цацанкі ў выглядзе кажаноў, галавы Джэка да Helloween'а, ружовыя свінкі, як сімвалы 2019 года, трусікі да Вялікдня і кота-валянцінкі да Дня ўсіх закаханых.

Пад кожную нагоду можна прыдумаць выраб, адзначае Вольга, а ў міжсвяточны час прапаноўваць акцыі кшталту "Вашыя любімыя таксы" ці проста сабакі-каты-мышы.

Усе сродкі, якія ў дзяўчыны атрымоўваецца выручаць з продажу, яна аддае на дапамогу жывёлам, што знаходзяцца пад яе куратарствам: на лячэнне, вакцынацыю і іншыя патрэбы. Дарэчы, пра ўсіх "сваіх" гадаванцаў Вольга расказвае ў суполцы.

Вядома, частка грошаў можа пайсці на матэрыялы для выбараў, хаця з большага дзяўчына стараецца набываць тканіну і фурнітуру за свае сродкі. Таму і пакупнікам Вольга прапаноўвае абменьваць свае вырабы на якасны сухі корм, кансервы, глістагонкі і іншыя прэпараты ад розных паразітаў, а таксама матэрыяльныя патрэбы для жывёл. Вядома, што гэта з папярэдняй дамоўленасці.

 

З кім вы правядзеце Дзень святога Валянціна — выключна ваша справа, а вось адчуванне, што пры ўсім вы зрабілі добрую справу — неацэнна. Бо самыя галоўныя ў свеце рэчы — гэта зусім не рэчы!


ІНШЫЯ НАВІНЫ РУБРЫКІ

Падзяліцца: 12.02.2019

Перадрук матэрыялаў магчымы пры абавязковай наяўнасці зваротнай і актыўнай гіперспасылкі.