Кінастужка дэманструе смецевыя наступствы, якія нясе з сабой «аднаразовае» пакаленне чалавецтва, калі рэчы звозяцца на звалкі ў неверагодных аб'ёмах і аказваюць як на навакольнае асяроддзе, так і на здароўе людзей негатыўны ўплыў. Разам з акцёрам Джэрэмі Айрансам у гледача ёсць унікальная магчымасць здзейсніць падарожжа на звалкі ў розных канцах свету і сваімі вачыма ўбачыць маштабы праблемы, а таксама заняцца пошукам рашэнняў.
Кінапрагляд пройдзе 14 мая (чацвер) а 19.00, пасля чаго удзельнікаў чакае дыскусія-абмеркаванне: кожны зможа распавесці пра сваё бачанне і прапанаваць выхады з сітуацыі глабальнага засмечвання планеты. Акрамя гэтага, на мерапрыемстве можна будзе больш даведацца пра акцыю «Зробім!» і далучыцца ці прапанаваць свае месцы, што патрабуюць прыбірання.
Увахад на кінапрагляд вольны!