19.07.2016 / 13:07

Як і людзі, птушкі маюць розныя групы крыві. Таму важна мець запас крыві не толькі розных відаў, але і розных груп аднаго віду. Унікальны банк крыві з'явіцца ў Ізраільскім шпіталі для дзікіх жывёл (Israeli Wildlife Hospital, IWH).

У шпіталі будуць дапамагаць параненым мігрыруючым птушкам, асабліва драпежным, якія часта трапляюць у складаныя сытуацыі пад час пералётаў на месцы зімоўкі і назад над тэрыторыяй краіны, паведамляе birdwatch.by.

Ідэя стварыць такія запасы належыць доктару Эладу Сміту, які сабраў першыя 16 порцый крыві. Спецыялісты будуць імкнуцца браць кроў ад усіх птушак, якія трапляюць у шпіталь, каб павялічыць магчымасць выратавання наступнай небаракі таго ж віду.

Дагэтуль назапашаная кроў спатрэбілася параненаму канюху-мышалову, якому яна была пералітая пасля аперацыі. Пасля неабходнай рэабілітацыі птушку выпусцілі на волю.

Автор:
Фотограф:
Адкрытыя інтэрнет-крыніцы
Листайте дальше, чтобы прочитать следующую новость