- Мы рабілі гэта ў тым ліку для таго, каб задакументаваць, захаваць гэтую памяць для саміх сем'яў пчаляроў, жыхароў вёсак і будучых пакаленняў. І ў выніку вырашылі падрыхтаваць серыял, – распавёў Onlіner даследчык і папулярызатар традыцыйнага бортніцтва Іван Осіпаў. — У яго аснове больш за 50 гадзін інтэрв’ю, запісаных падчас нашых экспедыцый з 2014-й па 2018-ы ва Уборцкае Палессе.
Па словах даследніка, там пражывае каля 200 беларускіх сем’яў, якія захавалі традыцыю бортніцтва.
Серыял публікуецца на «Першым бортным канале». Ужо выйшаў першы эпізод.
Нагадаем, што ў 2020 годзе культуру бортніцтва Беларусі і Польшчы ўключылі ў спіс нематэрыяльнай спадчыны ЮНЕСКА.
Бортніцтва – гэта традыцыйная форма лесакарыстання, якая па сутнасці з’яўляецца першапачатковай формай культурнага пчалярства. Сама назва «бортніцва» пайшла ад слова «борця», – так называецца штучнае дупло, якое робяць бортнікі для пчол у драўляных калодах. Але ж паміж цяперашнім пчалярствам і бортніцтвам ёсць вялікая розніца – мэта дзейнасці.
Раней у інтэрв’ю Зялёнаму парталу Іван Осіпаў падрабязна расказваў пра тое, чым адрозніваецца бортніцтва ад звыклага сёння пчалярства, якія традыцыі і этычныя прынцыпы ляжаць у аснове бортніцтва, і дзякуючы каму бортніцтва дагэтуль жыве ў Беларусі.