Сартыроўка смецця маруднымі, але ўпэўненымі крокамі ідзе па нашай краіне. Ужо толькі лянівы не звярнуў увагу на каляровыя кантэйнеры для збору другасных рэсурсаў ля дома. Але не кожны яшчэ гатовы ўзяцца раздзяляць свае адходы: кагосьці спыняе адсутнасць месца на кухні, а хтосьці проста не ведае, што і куды выкідваць. Таму на «Тыдні без пластыка» Зялёны партал вырашыў разабрацца, што ўсё ж варта і неабходна адпраўляць у жоўтыя кантэйнеры.