«Наша мэта — прыўнесці часцінку беларускай самабытнасці на вуліцы СФ і зрабіць горад больш прыгожым і разнастайным. Пасля доўгіх пошукаў мы нарэшце знайшлі сцяну і атрымалі дазвол. Зараз шукаем валанцёраў і збіраем сродкі!»
Фрэска будзе складацца з традыцыйных беларускіх сімвалаў: зубра, дзяўчыны ў нацыянальным касцюме і купальскага вогнішча. На эскізах, што паказалі на тэлеграм-канале, шэсць асобных панэляў, якія будуць размешчаны паслядоўна паміж вокнамі на першым паверсе будынка ў раёне Сансет.
Тэрміны рэалізацыі праекта: 20 сакавіка — 2 красавіка.
Фрэска створана Сашай Герман, 15-гадовай мясцовай мастачкай беларускага паходжання. Тэхнічнае кіраўніцтва будзе ажыццяўляць Жозуэ Рохас, прафесійны мастак-манументаліст SF.
На стварэнне мурала патрабуецца, паводле беларусаў Сан-Францыска, тры тысячы долараў.
“Калі ў нас застануцца нейкія грошы – яны пойдуць на дапамогу сем’ям палітвязняў у Беларусі. Грошы будуць ахвяраваныя на некамерцыйную ініцыятыву dissitentby.com. Вы можаце прачытаць, як будуць выкарыстоўвацца ахвяраванні, тут”, – адзначаецца ў паведамленні.
Пра праект можна больш даведацца тут. А таксама чакаюць дапамогі ў форме данатаў.