1 лістапада МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».
Сярод іншых, у спіс дадалі завочна асуджаную да трох гадоў калоніі праваабаронцу Алену Маслюкову.
У дакуменце МУС пазначана, што праваабаронца «адбывае пакаранне».
Тая ж самая пазнака стаіць і каля імёнаў палітыкаў Вольгі Карач і Веранікі Цапкалы, якія знаходзяцца за мяжой.