23 ліпеня адзначаецца сусветны дзень кітоў і дэльфінаў. У Беларусі гэтыя жывёлы не водзяцца ў дзікай прыродзе, але гэта не значыць, што іх дабрабыт у іншых частках свету не ўплывае на беларусак і беларусаў.
Некалькі гадоў таму больш за 350 навукоўцаў з 40 краін свету падпісалі адкрыты ліст, у якім заклікалі абараніць кітоў і дэльфінаў, бо баяцца, што праз змяненне клімату яны могуць знікнуць у бліжэйшыя дзесяцігоддзі.
Таксама варта адзначыць, што вялікую ролю ў змяншэнні папуляцый кітоў і дэльфінаў грае рыбная лоўля – жывёлы блытаюцца ў сетках і становяцца выпадковымі ахвярамі рыбаловаў.