Рэдакцыя Зялёнага парталу і каманда Зялёнай сеткі ўдзячныя кожнаму і кожнай, хто ў гэты няпросты час захаваў свае экалагічныя маякі, хто застаецца верным сваім зялёным каштоўнасцям, хто, нягледзячы на складанасці і выклікі, працягвае дбаць пра будучыню і тое, якой мы пакінем сваім нашчадкам нашую Зямлю.
Вы – нашае натхненне. Вы – наш штодзённы камертон. Вашыя падабайкі, шэры, каментары, вашыя прагляды і вашыя падпіскі, вашыя паведамленні ў прыват – грэюць нашыя сэрцы і дазваляюць нам працягваць маленькую зялёную справу.
Спадзяемся бачыцца з вамі часцей у новым годзе. Заходзьце на нашыя старонкі ў сацыяльных сетках і пакідайце нам свае водгукі (калі гэта бяспечна для вас), прыходзьце на наш сайт (калі трэба, скарыстаўшыся VPN), слухайце нашыя падкасты і глядзіце нашыя відэа.
Заставайцеся на зялёным баку сілы!