"Акрамя ўдараў у спіну й гуку электрашокера мне сказалі, што цябе ім прыйдзецца забіць — Мікалай Талчкоў "не хацеў рызыкаваць сваімі людзьмі". Але потым нібыта амапаўцы прапанавалі іншы варыянт — даць мне 20 секунд, каб загнаць цябе ў душавы пакой", - распавяла Наста ў лісце да сябра.
Эрык — вялікі сабака, чыстакроўны дварняк, трохі падобны да аўчаркі. Раней ён жыў у прытулку. Так цягнулася да тае пары, пакуль за Эрыкам не прыйшла Наста Лойка.
З ёй Эрык застаўся больш чым на пяць гадоў. Але пасля затрымання праваабаронцы яе сябры зладзілі цэлую спецаперацыю і вывезлі сабаку з Беларусі.
