Яркім уражаннем дзяцінства стаў момант, калі самы звычайны аранжавы гарбуз ператвараецца ў чароўную карэту для Папялушкі, каб даставіць яе на баль да прынца. Але не толькі ў казках з гарбузом можна рабіць цуды. У рэчаіснасці гэта гародніна з'яўляецца сапраўднай прыроднай скарбніцай вітамінаў і мінералаў — як раз тых рэчываў, якіх не хапае нашаму арганізму ў кароткія і шэрыя зімовыя дні. Таму сёння праект «VeganFood» прапаноўвае вам рэцэпт супу-пюрэ з гарбузом.