Праблема, вядомая пад назвай «абескаляроўванне каралаў», стала пагражаць іх папуляцыі ў апошнія тры дзесяцігоддзі. Пры абескаляроўвання гінуць сімбіятычныя арганізмы, якія жывуць унутры каралавых паліпаў (багавінне і зооксантэлы). Паколькі менавіта яны надаюць каралу колер, пасля іх гібелі каралы бялеюць. Сімбіёнты забяспечваюць карал энергіяй пры дапамозе фотасінтэзу, так што іх гібель цягне за сабой смерць усяго паліпа. Прычынамі абескаляроўвання каралаў становяцца павышэнне ці паніжэнне тэмпературы вады, апрасненне, павышэнне кіслотнасці, зніжэнне колькасці распушчанага ў вадзе кіслароду, падвышаная сонечная радыяцыя і іншыя фактары.
У гэтым годзе масавае абескаляроўванне згубіла 35% каралаў у паўночнай і цэнтральнай частцы Вялікага Бар'ернага рыфа. На 24 з 84 абследаваных рыфаў загінула палова каралаў, у тым ліку экзэмпляры ўзростам ад 50 да 100 гадоў. Па словах дырэктара Аўстралійскага цэнтра даследаванняў каралавых рыфаў Тэры Х'юза (Terry Hughes), на аднаўленне рыфаў спатрэбіцца не меншы тэрмін.
Гібель каралаў была выяўлена пры дапамозе аэрафатаздымкаў. Пакуль водарасці не пакрыюць паверхню загінулага рыфа, белы колер мёртвых каралаў добра адрозніваецца з паветра. Пасля паветранай выведкі Тэры Х'юз і яго калегі пацвердзілі яе дадзеныя ў ходзе падводных апусканняў.
Навукоўцы выявілі, што паўднёвая частка рыфа пацярпела значна менш. Там загінула ў сярэднім толькі 5% каралаў. Параўнальна добрая сытуацыя і на заходнім узбярэжжы Аўстраліі, дзе смяротнасць склала 15%. Частка каралаў абясколерыла там толькі часткова, і на працягу некалькіх месяцаў аднавіла колер (гэта значыць унутры паліпаў аднавілася колькасць сімбіёнтаў). Але нават такія выпадкі адмоўна ўплываюць на рост рыфаў.
Аб выніках даследавання расказана ў прэс-рэлізе Аўстралійскага цэнтра даследаванняў каралавых рыфаў.