Больш 9,8 тысяч саджанцаў пладовых і дэкаратыўных раслін, схаваных ад мытнага кантролю, выявілі супрацоўнікі Гомельскай мытні ў грузавым аўтамабілі, які ўязджаў у Беларусь. Каб дакладна ўсталяваць колькасць саджанцаў мытнікам нават давялося цалкам разгрузіць паўпрычэпы.
Супрацоўнікаў уразіла разнастайнасць відаў кантрабандных раслін. Акрамя вішні, слівы ды грушы тут выявіліся саджанцы Юкі, катальпы, мыльнага дрэва і дэйцыі.
Кошт канфіскаванага тавару ацэньваецца прыкладна ў 190 мільёнаў рублёў. Па факце выяўлення нелегальнага тавару распачатая праверка.