04.11.2019 / 15:11

На бульвары Талбухіна пад дрэвам паставілі драбіны, па якіх лезе манекен у яркай аранжавай шапцы, каб ратаваць коціка. Арганізатары кажуць, што такіх інсталяцый у Мінску будзе некалькі, і ўсе на сацыяльныя тэмы. Абноўлена: бліжэй да вечара адна з інсталяцый знікла.

Хлопец, які сочыць, каб са скульптурай нічога не здарылася, патлумачыў, што паставілі яе, «каб у свеце стала болей дабрыні».

Ён жа перадаў журналістам кантакты арганізатараў акцыі. Дзяўчына Паліна паведаміла, што інсталяцыю зрабіў беларускі мастак, які пакуль «просіць не раскрываць свайго імя».

«Такіх скульптурных кампазыцый у цэнтры некалькі — і ўсе на сацыяльныя сюжэты, — паведаміла Паліна. — Кожны сюжэт — спроба прыцягнуць увагу мінакоў і прымусіць задумацца пра тое, што важна».

Яшчэ адна інсталяцыя каля кінатэатра «Кастрычнік» у Мінску
Яшчэ адна інсталяцыя каля кінатэатра «Кастрычнік» у Мінску

Інсталяцыя каля станцыі метро «Усход», побач з універсамам «Шчасце». Увечары яна знікла (абноўлена)
Інсталяцыя каля станцыі метро «Усход», побач з універсамам «Шчасце». Увечары яна знікла (абноўлена)

На галоўным фота - яшчэ адна інсталяцыя каля кінатэатра «Кастрычнік» у Мінску.

Источник:
Листайте дальше, чтобы прочитать следующую новость