Валанцёрства ў Румыніі
Шукаюць валанцёраў для ўдзелу ў арганізацыі кірмашоў, канцэртаў, семінараў, абмену моладзевым досведам з іншымі асацыяцыямі, а таксама павышэння дасведчанасці аб негатыўных зменах навакольнага асяроддзя.
Праект накіраваны на тое, каб стымуляваць сацыяльна адказнае развіццё грамадства і асяроддзя праз сацыяльныя, культурныя і адукацыйныя мерапрыемствы.
Валанцёры будуць пражываць у 2-пакаёвых кватэрах з агульным ванным пакоем і кухняй. Акрамя таго, удзельнікі праекта будуць атрымліваць штомесячную грашовую дапамогу і выплаты. Таксама прадугледжана кампенсацыя транспартных выдаткаў.
Патрабаванні:
Мова: англійская.
Узрост: 18-30 гадоў.
Навыкі: фота/відэа; спорт; дэкаратыўна-прыкладное мастацтва ці выкладанне.
Тэрмін: 24 тыдні ў перыяд з 1 снежня 2023 па 31 снежня 2024.
Падрабязней па спасылцы: Volunteer to Help III.
Валанцёрства ў Балгарыі
Праграма «Move your fingers» заахвочвае і падтрымлівае маладых людзей ініцыяваць і ажыццяўляць асабістыя праекты, якія важныя для іх саміх і для супольнасці, у якой яны жывуць: такія як навакольнае асяроддзе, перапрацоўка адходаў і паўторнае выкарыстанне рэсурсаў.
Чым трэба будзе займацца:
- планаваць і суправаджаць працэс;
- працаваць з праграмамі апрацоўкі аўдыё і відэа для падрыхтоўкі кароткіх прэзентацый для рэкламнай кампаніі і яе вынікаў;
- працаваць з праграмай mailchimp для адпраўкі рассылак;
- працаваць у сацыяльных сетках для планавання і арганізацыі інтэрнет-кампаніі;
- працаваць з Photoshop і Adobe InDesign для падрыхтоўкі прома-матэрыялаў, у т. л. для выставак і вонкавай рэкламы.
Пакрываюцца выдаткі на пражыванне, харчаванне, кішэнныя выдаткі, транспартныя выдаткі, даецца медыцынская страхоўка.
Патрабаванні:
Мова: англійская.
Цікавасць да навакольнага асяроддзя, перапрацоўкі і паўторнага выкарыстання рэсурсаў. Гатоўнасць працаваць у міжнароднай камандзе.
Падрабязней па спасылцы: Move Your Finger.
Онлайн-валанцёрства ў ААН
Шукаюць аднаго валанцёра для перакладу матэрыялаў для брашуры МУР (мэты устойлівага развіцця).
Задачы:
– перакласці дакумент аб’ёмам 11 старонак фармату А4 на рускую мову;
– перакласці некаторыя пункты і рэкамендацыі дакумента.
Адабраныя онлайн-валанцёры атрымаюць інструкцыі па мэтавай аўдыторыі і нашых правілах камунікацыі, а таксама іншыя рэкамендацыі па меры неабходнасці. А
Онлайн-валанцёры будуць мець магчымасць наладзіць сувязі з аддзелам стратэгічнага планавання і даведацца, як перакладзены прадукт садзейнічае павышэнню дасведчанасці людзей у пытаннях адукацыі і развіцця моладзі.
Патрабаванні:
– добрае валоданне рускай і англійскай мовамі;
– веданне тэхнічных тэрмінаў, звязаных з Аджэндай у галіне ўстойлівага развіцця на перыяд да 2030 года, будзе лічыцца перавагай. Папярэдні досвед перакладаў разглядаецца як перавага.
Падрабязней па спасылцы: Translation of the «YOUTH».