Сажайте деревья, а не журналистов

Штогадовая Школа экалагічнага актывіста працягвае набор удзельнікаў на 2015 год

Навучыцца гарманічным стасункам з прыродай, даведацца пра асновы навакольнага свету і пераняць базавыя практыкі «зялёнага» актывізму прапаноўвае Школа экалагічнага актывіста-2015.

Школа экалагічнага актывіста (ШЭА), якую штогод праводзіць таварыства «Зялёная сетка», з'яўляецца ўнікальнай магчымасцю для актыўных людзей атрымаць веды ў вобласці экалогіі, навучыцца праектнаму менеджменту і знайсці сяброў, аднадумцаў для рэалізацыі тэматычных «зялёных» праектаў.

«Па сутнасці, у Беларусі не існуе падобных праграм па нефармальнай адукацыі ў вобласці экалогіі. Інавацыйныя метады выкладання, якія выкарыстоўваюцца ў навучальным працэсе ШЭА, дазваляюць атрымаць вопыт, які можна будзе прымяняць на працягу ўсяго жыцця», — распавядае дырэктар ШЭА Эдуард Гладышаў.

У гэтым годзе Школа пашырае сваю геаграфію і пройдзе не толькі ў Мінску: першы ўзровень будзе праводзіцца яшчэ ў Гомелі, Гродна і Брэсце, што дазволіць якасна і колькасна пашырыць састаў удзельнікаў другога ўзроўню. Але галоўнае — пры падачы заявак памятаць адну з галоўных умоў — на першы ўзровень падаюцца тыя, хто дакладна ўпэўненны ў сваёй магчымасці праходжання другога этапу.

Традыцыйна першы ўводны ўзровень носіць больш тэарэтычна-практычны характар, датычыцца глабальных выклікаў, якія зараз стаяць перад чалавецтвам, дазволіць кожнаму ўдзельніку індывідуальна падлічыць свой «экаслед» і пазнаёміцца з паспяховымі і дзеючымі праектамі выпускнікоў, а таксама з беларускімі «зялёнымі» кампаніямі. Другі прасунуты узроўнь, які праводзіцца ва ўмовах жывой прыроды, што дазваляе цалкам акунуцца ў атмасферу яднання і суіснавання з навакольным асяроддзем, прысвечаны замежным і беларускім практыкам «зялёнага» экалагічнага руху, распрацоўцы ўласных кампаній і праектаў.

Трэнінгі першага узроўню пройдуць: у Мінску 9-10 і 23-24 мая (дэдлайн падачы заявак — да 5 мая), у Гродна і Брэсце 18-19 красавіка (дэдлайн падачы заявак — да 15 красавіка), у Гомелі 2-3 і 30-31 мая (дэдлайн падачы заявак — да 26 красавіка).

Дзеля ўдзелу ў Школе экалагічнага актывіста неабходна падаць заяўку да адпаведнага дэдлайну ў вашым абласным цэнтры.

Удзел у Школе цалкам бясплатны, усе выдаткі пакрываюцца арганізатарамі.

Больш падрабязную інфармацыю пра працэс навучання, умовы ўдзелу, трэніраў і папярэднія Школы можна даведацца на сайце.


ІНШЫЯ НАВІНЫ РУБРЫКІ

Падзяліцца: 08.04.2015

Перадрук матэрыялаў магчымы пры абавязковай наяўнасці зваротнай і актыўнай гіперспасылкі.