Перейти к основному содержанию
08.11.2018 / 13:11

Сэрвіс 115.бел запрацаваў у абласным цэнтры напрыканцы верасня. Яго з’яўленне з радасцю ўспрынялі гараджане, якія хочуць вырашэння сваіх праблем. Гомельскі Зялёны партал прасачыў якія праблемы ўдалося вырашыць у горадзе і над чым яшчэ варта папрацаваць.

Гараджане ўжо паспелі паведаміць аб 1130 праблемах. Пры гэтым сэрвісам скарысталася каля 300 чалавек, сярод якіх ёсць і пэўныя лідэры. Так заяўкі ад тройкі самых актыўных карыстальнікаў сэрвіса ў абласным цэнтры склалі каля 36% ад агульнай колькасці.

  1. Яўген Меркіс — 206 заявак
  2. Ягор Шастапалаў — 115 заявак
  3. Сяргей Пятроў — 81 заяўка

Азеляненне горада — самае балючае пытанне

Як паказвае статыстыка запытаў больш за ўсё гомельцаў хвалююць пытанні азелянення ўласнага горада. Праблемы з колькасцю зялёных насаджэнняў за апошнія гады ў горадзе над Сожам істотна абвастрыліся, але вырашыць іх хутка наўрадці ўдасца. Але пакіданне заявак на высадку дрэваў і хмызнякоў праз сэрвіс 115.бел можа быць адным з крокаў да гэтага.

Заяўкі аб праблемах па катэгорыях
Заяўкі аб праблемах па катэгорыях

Далей у спісе актуальных праблем горада ідуць высокія бардзюры і недахоп інфраструктуры для маламабільных груп гараджан, а таксама ямы на дарогах ды тратуарах.

Хвалююць гомельцаў і праблемы з асвятленнем ды незануляваныя/пашкоджаныя люкі.

Лампачкі ўкруцілі, люкі занулілі

Хутчэй за іншыя ў Гомелі за адзначаны час вырашаліся заяўкі, звязаныя з асвятленнем вуліц, двароў і пад’ездаў, а таксама пытанні добраўпарадкавання тэрыторый.

Вырашаныя праблемы па катэгорыях
Вырашаныя праблемы па катэгорыях

У асобныя лідэры выбіліся і вырашэнні праблемы занулення ці выпраўлення дэфектных люкаў на дарогах і тратуарах.

Суадносіны заявак па катэгорыях і іх вырашэнні
Суадносіны заявак па катэгорыях і іх вырашэнні

Праблемы ў працы сэрвіса ў Гомелі

Нягледзячы на пэўныя поспехі ў працы сэрвіса ў Гомелі назіраюцца і свае праблемы, якія варта вырашаць.

Якая служба ці адміністрацыя вырашыла колькі праблем
Якая служба ці адміністрацыя вырашыла колькі праблем

Так некаторыя карыстальнікі скардзіліся, што на прапанову стварэння ці рамонту разметкі на пешаходным пераходзе ім у выніку раілі звярнуцца… у гарадское ЖКГ!

Пешаходны пераход на вул. Мазурава без дарожнай разметкі
Пешаходны пераход на вул. Мазурава без дарожнай разметкі

Адказ па заяўцы
Адказ па заяўцы

Не вырашаюцца і праблемы з азеляненнем. Нягледзячы на шал заявак амаль усе яны падвіслі ў плане вырашэння. Прычыны гэтага – забюракратызаваны працэс вылучэння сродкаў на гэтыя патрэбы з боку ўладаў.

Пустуючыя лункі, дзе раней раслі дрэвы
Пустуючыя лункі, дзе раней раслі дрэвы

Нягледзячы на асобную катэгорыю для заявак аб высадцы дрэў і хмызнякоў у выніку карыстальнікі атрымліваюць адказы з прапановай звярнуцца ў мясцовую адміністрацыю.

Адказ на заяўку
Адказ на заяўку

Час вырашэння праблемаў можа істотна адрознівацца ў залежнасці ад заяўкі. Калі новая лампачка ў вашым пад’ездзе можа з’явіцца ўжо хутка, то, напрыклад, для эвакуацыі кінутых у дварх аўтамабіляў, што пакрываюцца іржой і шкодзяць навакольнаму асяроддзю, могуць спатрэбіцца тыдні, а то і месяцы.

Кінуты аўтамабіль
Кінуты аўтамабіль

Карыстальнікам удалося з дапамогай сэрвіса 115.бел выявіць і праблемы ў арганізацыі вываза смецця з цэнтральнага пляжа горада. Прычынаю ўсяму стала тое, што адміністрацыя Цэнтральнага раёна проста не падоўжыла дамову на вываз адкідаў пасля сканчэння пляжнага сезона. У выніку смеццевыя кантэйнеры ўжо вывезлі, а горы смецця працягваюць расці.

Смецце на цэнтральным пляжы Гомеля
Смецце на цэнтральным пляжы Гомеля

Чаму важна далучыцца менавіта зараз

Калі вы яшчэ не зарэгістраваліся ў сэрвісе, то не марудзьце. Менавіта зараз будуць закладвацца бюджэты на наступны год, таму вашая актыўнасць паспрыяе вылучэнню сродкаў для іх вырашэння ў бліжэйшы час.

Безумоўна варта адзначыць, што сярод гарадоў, дзе функцыянуе сэвріс ёсць свае антыгероі. Напрыклад Віцебск, дзе за год яго працы адсотак выкананых заявак катастрафічна нізкі.

Колькасць заявак і вырашаных праблем у Віцебску надзвычай нізкая
Колькасць заявак і вырашаных праблем у Віцебску надзвычай нізкая

Вельмі не хацелася б, каб Гомель у гэтым плане чакаў такі ж самы лёс.

Агульная колькасць заявак у абласным цэнтры расце з кожным днём, а іх выкананне адстае
Агульная колькасць заявак у абласным цэнтры расце з кожным днём, а іх выкананне адстае

Таму важна памятаць, што сэрвіс 115.бел – не ўніверсальнае рашэнне ўсіх праблем. Дасланая вамі заяўка яшчэ не стоадсоткавая гарантыя што ўсё выканаюць і зробяць якасна. Але гэта — інструмент, і як ім распарадзіцца залежыць ад нас з вамі

Парады па карыстанні сэрвісам:

- пры апісанні праблемы пазначайце яе месцазнаходжанне, дэталёва апісвайце што не так і па магчымасці як яе можна вырашыць;

- рабіце фота з прывязкай да мясцовасці. Пажадана, каб на фоне быў канкрэтны дом ці від вуліцы, інакш знайсці яе бывае нялёгка;

- калі адная і тая ж праблема назіраецца ў некалькіх месцах — напрыклад неабходна высадзіць новыя дрэвы ў шэраг лунак ці нехта зламаў лавачкі перад усімі пад’ездамі вашага дома, то варта ў кожным выпадку дасылаць асобную заяўку. У адваротным выпадку паведамленне можа не прайсці мадэрацыю, альбо яе вырашаць толькі часткова;

- для комплексных праблем, такіх як вялікая колькасць ям на праезджай частцы цэлай вуліцы альбо вялікім кавалку тратуара варта пісаць звароты ў мясцовыя выканкамы;

- правярайце свой “кабінет”. Часам у мадэратараў здараюцца памылкі і для заявак ставяць статус “вырашана” там, дзе працы яшчэ нават не пачыналіся;

 

Важно! Зелёный телефон на связи, если: 

  • В вашем дворе вырубают деревья.
  • Вы обнаружили несанкционированную свалку.
  • Зелёные зоны заставлены автомобилями, а высокие бордюры не позволяют ездить на велосипеде и возить детскую коляску.
  • Вы чувствуете неприятный запах в своём районе, а качество воды из крана оставляет желать лучшего.
  • Возле вас начинается новая стройка, и вы не знаете, законна ли она, и хотели бы получить больше информации.
  • Не знаете, как отслеживать общественные обсуждения по вашему району.

Автор:
Фотограф:
інтэрнэт, Андрэй Дашкевіч
Листайте дальше, чтобы прочитать следующую новость