Таварыства "Зялёная сетка" і рэдакцыя "Беларускага Зялёнага Партала" запрашаюць усіх жадаючых на двухдзённыя семінары па журналістыцы.
Калі Вам неабыякава, што адбываецца ў галіне экалогіі, Вы турбуецеся за навакольнае асяроддзе і Вам не ўсё роўна, што "вырасце" за Вашым акном: дрэва ці завод.
Калі Вы жадаеце навучыцца пісаць "зялёныя" навіны граматна, прыгожа і цікава. Калі Вы адчуваеце патрэбу рэалізаваць свой талент і імпэт на старонках "Беларускага Зялёнага Партала" і "Зялёнага Партала Гродзеншчыны", то семінар па экажурналістыцы Ваш шанс!
У праграме семінараў:
-
знаёмства з экалагічнай тэмай у журналістыцы;
-
знаёмства з крыніцамі інфармацыі;
-
арганізацыя працы рэдакцыі: ад сумеснага планавання да рэалізацыі ідэй;
-
выкарыстанне бясплатных інтэрнэт-сервісаў для візуалізацыі "зялёных" тэм.
Удзел у семінары прымуць: рэдактары сайтаў "Беларускі Зялёны Партал" і "Зялёны Партал Гродзеншчыны", штатныя і па-заштатныя журналісты, а таксама ўсе жадаючыя і гатовыя да супрацы.
Семінар правядуць: дасведчаныя журналісты і выдатныя трэнеры Вітаўт і Лана Руднік (кіраўнікі Гродзенскай Школы маладога журналіста).
Каб прыняць удзел у семінары неабходна даслаць заяўку са сваімі кантактнымі дадзенымі на электронную пошту:
-
для Гродна - grodno.greenbelarus@gmail.com (дэдлайн падачы заявак 11 снежня)
-
для Гомеля - greenbelarus.editor@gmail.com (дэдлайн падачы заявак да 17 снежня)
Не забудзьцеся ў тэме пісьма пазначыць "Семінар па экажурналістыцы".
Удзел у экспрэс-курсах бясплатны!