Мэта конкурса — звярнуць увагу дзетак і дарослых на момант «закаханасці» птушкі 2016 года, працэс такавання. Заляцаецца да самкі, такуе птушка года вельмі адметна: самец выцягвае шыю наперад, затым рэзка закідвае галаву назад на спіну і задзірае дзюбу да неба, пры гэтым адштурхаецца лапамі і ўздымае фантан пырскаў.
Кожны ўдзельнік намагаўся адлюстраваць гэты няпросты працэс, а навучэнцы «Крылатага дазора» і «Юны арнітолаг» ПДіМ «Золак» г. Минска пад кіраўніцтвам Ірыны Бірынай-Паўлавай намалявалі цэлую гісторыю.
Журы вызначыла наступных пераможцаў.
Па колькасці адначасовых удзельнікаў і маштабу малюнка перамаглі навучэнцы ДУА «СШ №2 г.п. Шаркаўшчына», удзельнікі клуба «Крылаты дазор» пад кіраўніцтвам Аксаны Пачэпка. Адначасова малявалі гогаляў 38 чалавек.
Па арыгінальнасці задумы і якасным выкананні 1 месца займае «Крылаты дазор» ДУА «СШ №2 г. Чавусы» пад кіраўніцтвам Кацярыны Малолавай.
2 месца — у навучэнцаў Крылатага дазора ДУА «СШ № 11 г. Мазыра» — Крысціны Кудравец, Анастасіі Шкурко пад кіраўніцтвам Валянціны Азёма.
3 месца занялі навучэнцы «Крылатага дазора» ДУА «Меркулавіцкая сярэдняя школа Чачэрскага раёна» пад кіраўніцтвам Марыі Харкуновай.
