Падрабязней піша само медыя ў тэлеграм-канале:
Сябры! Карпункт Еўрарадыё закрыты. Пакінуць яго мусяць не толькі журналісты і тэхнічныя супрацоўнікі, але і нашая рэдакцыйная котка Уршуля. Цяпер мы шукаем для яе новых гаспадароў.
Уршуля — абсалютна хатняя котка: любіць людзей, лашчыцца, скокае на каленкі, урчыць. Здаровая: мы зрабілі ёй УГД, таму цяпер у яе паголенае пузіка, але поўсць хутка адрасце. Стэрылізаваная. За месяц не згрызла ніводнага драта (а дратоў у нас у рэдакцыі было шмат!) і ніводнага разу не патачыла кіпці аб нашу канапу.
Аддаем котку з прыбіральняй-домікам (закрываецца дзверкай, таму амаль не выпускае пахаў), напаўняльнікам і савочкам.
Развітацца з Уршуляй нават цяжэй, чым з утульнай рэдакцыяй, дзе мы правялі больш за тры гады. Але час прыйшоў. Калі вы той самы чалавек, які гатовы клапаціцца пра яе — напішыце нам у тэлеграм на @euroradio_minsk. Калі прапановаў будзе шмат, неяк (пакуль яшчэ не ведаем, як) выберам тую, якая падасца нам самай вартай.
Абноўлена 14.07.21 Новыя гаспадары знойдзеныя!