Ахвотныя пазбавіцца ад старых рэчаў экалагічным шляхам маглі зладзіць вольны абмен з усімі ахвотнымі пад энэргічныя сэты сучаснай музыкі. Дзяўчаты ўпрыгожвалі свае пазногці бясплатным манікюрам ад майстроў або расфарбоўвалі рукі тэхнікай мендзі - традыцыйным індыйскім роспісам хною па целе.
На тэрыторыі фрымаркета дзейнічала і мастацкая выстава "400 нанаметраў" у межах якой творцы прэзентавалі карціны ў розных каляровых гамах. Па задумцы стваральнікаў 400 нанаметраў гэта ўсё бачнае нам святло бо чалавечае вока ўспрымае электрамагнітнае выпраменьванне менавіта з даўжынёй хвалі ад 380 да 780 нанаметраў.
Як паказаў фрымаркет аматараў жыць у згодзе з прыродай і не засмечваць яе лішні раз у горадзе хапае, таму арганізатары з надзеяй глядзяць на будучыя вольныя кірмашы.
