Незвычайныя нататнікі пачалі друкаваць актывісты ў Мінску дзякуючы падтрымцы фонда #дадаймоцы.
Невялікія, з крафтавай вокладкай і надпісам “Ты можаш!”, на думку аўтараў ідэі, яны сапраўды даказваюць, што кожны можа зрабіць крок да больш экалагічнага жыцця.
З аднаго боку аркуша ёсць месца для запісаў, скетчаў, а з іншага – ужо выкарыстаныя кімсьці іншым старонкі, на якіх можна нават прачытаць нешта цікавае. Таксама можна замовіць унікальны карпаратыўны дызайн.