У Браслаўскім раёне маладое ласяня правалілася ў меліярацыйны канал, глыбінёю каля 2 метраў
Яно не змагло самастойна выбрацца з пасткі і загразла па галаву. МНС паведамляе, што людзі сваечасова прыйшлі жывёле на дапамогу.
Мясцовыя ратаўнікі і прадстаўнікі інспекцыі па ахове жывёльнага і расліннага свету з дапамогаю палак і вяровак выцягнулі ласяня з дрыгвы.
Жывёла адляжалася і ўцякла ў лес.
Фотаздамкі збянтэжанага ласяня ўразілі карыстальнікаў сеціва, і яны пачалі рабіць з ім розныя мемы.
