У аўторак, 22 сакавіка, з самай раніцы, супрацоўнікі Зелянбуда ўзяліся за спiльванне старога ясеня ў парку Жылібера. Са слоў рабочых, яны атрымалі такі загад зверху. Яны не ведалі, што з ясеня збіраюцца зрабіць помнік. Зараз ад старога дрэва застаўся толькі пень, далейшы лёс камля застаецца невядомым, піша «Твой Стыль».
Пасля таго, як дрэва спілавалі, стала бачна, што ствол быў гнілы толькі каля зямлі.
Старшыня гродзенскага гарвыканкама Мечыслаў Гой, які абяцаў, што дрэва застанецца, таксама не ведаў, што ясень спілавалі. Яго паінфармавалі толькі аб тым, што ствол знаходзіўся ў дрэнным стане.
