Перейти к основному содержанию
22.09.2015 / 10:09

Зялёны партал разам з сеткай АЗС «А-100» напярэдадні безаўтамабільнай акцыі вырашыў распытаць кіроўцаў пра гэты дзень.

Галоўнай задачай было даведацца ці ведаюць яны пра існаванне такой акцыі і ці будуць прымаць у ёй удзел. На здзіўленне большасць удзельнікаў апытанкі былі ў курсе правядзення Дня без аўтамабіля і нават не супраць пакінуць сваё аўто дома, праўда некаторыя з пэўнымі «але».

Ігар, індывідуальны прадпрымальнік: «Нягледзячы на тое, што мая работа звязана з аўтамабілямі, прыняць удзел у акцыі можна».

Валерыя, прадавец: «Так, я чула пра гэту акцыі і чаму б да яе не далучыцца».

Юрый, сантэхнік: «Пра акцыю я чуў, але тое, што яна праходзіць у Беларусі – не. Увогуле, каб людзі сталі адмаўляцца ад выкарыстання ўласных аўтамабіляў кожны дзень, неабходна наладжаная сістэма грамадскага транспарту, я ўпэўнены ў гэтым».

Віктар і Вадзім, кінасветавікі: «Пра акцыю чулі, а вось прыняць у ёй удзел спрэчна, калі, напрыклад, работа будзе ў гэты дзень».

«У любы дзень для мяне прычынай адмовіцца ад свайго аўто будзе толькі, калі вечарам добра выпіў. Тады дакладана пакіну дома», – дадаў Віктар.

Сяргей, сантэхнік: «Я магчыма штосьці і чуў пра Дзень без аўтамабіля, магчыма нават і ўдзел змагу прыняць. У цэлым, аўтамабіль свой пакінуць дома мяне прымусіць, калі работа будзе блізка».

Таксама кіроўцы прызнаваліся, што адмовіцца ад аўтамабіля хаця б на адзін дзень іх можа жаданне весці здаровы лад жыцця ці калі яны будуць упэўнены, што адна жывая істота застанецца цэлай і непашкоджанай. А для аднаго з удзельніка апытання ўсё вырашылася б проста электрамабілем, што з'яўляецца для яго ўжо не марай, а мэтай!

Дарэчы, сетка АЗС «А-100» актыўна далучаецца да Сусветнага дня без аўтамабіля, што нядзіўна з улікам іх падтрымкі экалагічных ініцыятыў і развіцця «чыстага» аўтатранспарту. Так, Надзея Матвеёнак, член назіральнага савету групы кампаній «А-100», сёння, 22 верасня, будзе выкарыстоўваць для ўсіх сваіх паездак выключна электрамабіль.

Далучайся і ты! Пакінь аўтамабіль дома!

Автор:
Фотограф:
Хрысціна Чарняўская
Листайте дальше, чтобы прочитать следующую новость