24.05.2022 / 08:05

Каманда платформы абвясціла, што гатовая працягнуць сваю дзейнасць, каб рабіць новыя праекты і дапамагаць гарадам і людзям.

 

А яшчэ будзе ладзіць бясплатныя кансультацыi для дваравых супольнасцяў.

За паўтара гады да каманды Менскай ўрбаністычнай платформы звярнулася вялікая колькасць гараджан і гараджанак з запытамі па дваровым самакіраванні, суседскай камунікацыі і дваровай тэрыторыі.

За гэты час каманда накапіла досвед, веды і кантакты, якія можа выкарыстоўваць зараз, каб дапамагчы прадстаўнікам і прадстаўніцам гарадскіх супольнасцяў разабрацца з пытаннямі індывідуальна.

Менская ўрбаністычная платформа прапануе дапамагчы, калі ўзнікаюць пытанні звязаныя з дваровым добраўпарадкаваннем, суседскай камунікацыяй, самакіраваннем.

Тыя, хто звяртаецца, атрымаюць індывідуальную кансультацыю з экспертамі і эксперткамі ў сферы ўрбаністыкі; юрыдычную дапамогу, каб разабрацца з нарматыўнымі дакументамі; параду як пачаць канструктыўную камунікацыю з суседзямі і суседкамі.

Тут дапамогуць падрабязна разабраць праект добраўпарадкавання: накіраваць на патрэбныя рэсурсы, прааналізаваць бюджэт, пракансультаваць у выбары матэрыялаў і месцазнаходжання новых аб’ектаў, падказаць, як аптымізіраваць план і рэарганізаваць двор.

Збор заявак для тых, каму патрэбна дапамога ў вырашэнні дваровых і суседскіх пытанняў, адкрыты да 12 чэрвеня.

Спасылка на форму для заяўкі тут

Менская ўрбаністычная платформа — каманда маладых прафесіяналаў: архітэктараў і даследнікаў. Мы займаемся гарадскімі даследаваннямі, праектуем, кансультуем, ствараем гарадскія прасторы, дзелімся сваімі ведамі і досведам.

Пазнаёміцца бліжэй з Менскай ўрбаністычнай платформай:

Telegram: https://t.me/minskurban

Instagram: instagram.com/miensk_urban_platform/

YouTube: youtube.com/minskurbanplatform

Facebook: facebook.com/mienskurban

Бот: @Miensk_urban_bot

 

Автор:
Листайте дальше, чтобы прочитать следующую новость