Страказа фонскаломба (Sympetrum fonscolombii) стала 65-м відам, зафіксаваным сярод беларускіх стракоз.
Як адзначаюць адмыслоўцы, дадзены від стракоз мае схільнасць да інвазіі ў паўночныя рэгіёны, нехарактэрныя для іх сталага пражывання ў ранейшыя часы. Хоць у суседняй Латвіі дадзены від быў заўважаны яшчэ ў 2009 годзе, але ў сінявокую масава зазірнуў толькі праз шэсць год паведамляе "Ахова птушак Бацькаўшчыны".
На дадзены момант ужо ёсць звесткі пра яго назіранні ў Чэрвенскім і Маларыцкім раёнах. Не абмінула фонскаломба і Гомельшчыну. Напачатку чэрвеня з'явіліся звесткі пра аднаго самца на рыбгасе "Чырвоная Зорка" ў Жыткавіцкім раёне.
Ці прыжывецца новы від стракоз на Беларусі пакажа толькі час.