Адкрываць фестываль экалагічнага кіно беларускія суарганізатары таварыства "Зялёная сетка" вырашылі бадай самай "нелайтовай" стужкай — "Стагоддзе наступстваў".
У фільме вядзецца аповед пра сувязь кліматычных зменаў з глабальнымі катаклізмамі і ўплыў на жыццядзейнасць людзей — недахоп рэсурсаў, міграцыя, тэрарызм, адаптацыя і г.д.
Першыя званочкі магчымай сусветнай катастрофы ўжо можна назіраць у рэжыме рэальнага часу. У сувязі з гэтым ваенныя ЗША сталі надзяляць асаблівую ўвагу пытанням клімата і магчымасці перадухіліць катастрафічныя наступствы для забеспячэння бяспекі сваёй краіны.
Нягледзячы на досыць непапулярную тэму кінастужкі, на яе прагляд прыйшло больш людзей, чым магла змясціць зала кінатэатра.
У сувязі з гэтым арганізатары фэсту просяць пільна сачыць за праграмай беларускай часткі фестываля на сайце. І чытаць апошнія навіны ў сацыяльных сетках Facebook і Вконтакте.