Што нам спатрэбіцца: старыя джынсы, тканіна для ўпрыгожвання, нажніцы, клей (мы выкарысталі клеявы пісталет з сіліконам)
Падстаўка пад гарачае
Кацярына: -Падстаўкі пад кубкі альбо т.зв. бірматы (яшчэ можна сказаць костары) зараз набіраюць папулярнасць. Хіба, няма ніводнага горада, дзе не было б такой сувенірнай прадукцыі. Зробім такой прадмет інтэр'еру і мы. У джынсаў вельмі прыгожая вывараная строчка - яна анм і спатрэбіцца. Адразаем дзве на ўсю даўжыню штаніны”.
Кончык адрэзанай строчкі змазваем клеем і скручваем яе, як бы робячы слімака.
Затым даклеіваем другую строчку, дакручваем “слімака”, змацоўваем канец, перавязваем жгуцікам. Гатова!
Яшчэ адна падстаўка пад гарачае
Выразаем кружок з джынсавай тканіны і яшчэ адзін - большы са сподняга боку джынсаў. Склеіваем іх. Для ўпрыгожвання мы дадаем джынсавую пяцельку і вузялок са жгуціка.
Колцы для сурветак
Кацярына: - Гэтыя прадметы ў сервіроўцы стала надаюць столькі шарму! Так што не варта іх ігнараваць.
З джынсавага пасу выразаем кавалкі прыкладна па 12 см. Склеіваем іх у колцы.
Упрыгожваем адну – шпагатам, другую – кавалкам дэкаратыўнай тканіны.
Капэрты для сталовых прыбораў
Усе проста! Адразаем дзве кішэнькі ззаду – вуаля! Упрыгожыць паводле вашага густу.
Кацярына: - Калі мы з мужам сядаем вячэраць, я заўжды пада. на стол прыгожа. У нас заўжды будзе гарэць свечка, сурвэткі раскладзены. У гэтым плане я эстэт и мне здаецца, гэта правільна - упрыгожваць простую вячэру.
