На відэа бачна як моцна абмелела возера праз гарачае лета гэтага года, але гэта не змяншыла яго прыгажосці. Паводле мясцовых паданняў возера з'явілася на месцы патанулай вёскі з царквой, крыж якой бачны зрэдчас у глыбіні. Ваколіцы ж, часам, наведвае прывід таямнічай памерлай княгіні-распусніцы.
Найменне Мёртвае возера займела праз тое, што ні на яго паверхні, ні ў яго глыбінах няма прызнакаў жыцця. Прывабны аб'ект для пражывання ігнаруюць як рыбы, так і разнастайныя казуркі ды земнаводныя. Навукоўцы адзначаюць, што гэта - вынік перанасычанасці серавадародам і зніжанай кіслотнасці ў вадаёме. Такія неспрыяльныя ўмовы для пражывання жывых арганізмаў ёсць вынікам таго, што на дадзены момант возера падсілкоўваюць толькі ападкі ды балота, што знаходзіцца на яго дне. Па гэтай прычыне ў будучыні Мёртвае возера пераўтворыцца ў звычайнае балота.