АК

Гарадскія ўлады плануюць кардынальна змяніць абрысы вуліц Астроўскага, Каханоўскага, Ціміразева і 17 верасня. Згодна плану ў горадзе фактычна мае паўстаць новы жылы квартал на месцы закінутых або часткова закінутых прамысловых аб’ектаў паміж вуліцамі Дзяржынскага і Ціміразева. Вуліца Астроўскага, такім чынам, пройдзе праз пустуючыя тэрыторыі і з’яднаецца з Каханоўскага. Вуліцы Акадэмічную і Валковіча таксама падоўжаць, яны будуць дасягаць новага ўчастка Астроўскага.

Млыны – вадзяныя, паравыя, ветракі – цягам апошніх дзесяцігоддзяў цалкам зніклі з беларускіх краявідаў. Эканамічны і гаспадарчы сэнс даўно страчаныя, а да разумення рэнавацыйнага і турыстычнага патэнцыялу такіх аб’ектаў грамадства толькі падыходзіць. Тым часам толькі на Ласасянцы захавалася ажно пяць млыноў XVIII-XIX стст.