Пра нас

Зялёная сетка – супольнасць экалагічных арганізацый, актывістаў, ініцыятываў, экспертаў, якія ў 2007 годзе аб'ядналіся, каб разам вырашаць тыя экалагічныя праблемы, якія немагчыма вырашыць паасобку.

У таварыства ўваходзяць 15 экалагічных грамадскіх арганізацый і ініцыятыў і 15 індывідуальных чальцоў з розных абласцей Беларусі.

Праблемы, над якімі мы працуем, не могуць быць вырашаныя адной арганізацыяй або чалавекам. Толькі аб'яднаўшыся, мы можам разлічваць на тое, што наш голас будзе пачуты, а меркаванне — ўлічанае.

Місія Зялёнай сеткі — дасягненне гармоніі паміж чалавекам і прыродай праз устойлівае развіццё і моцны зялёнае рух.

Стратэгічныя напрамкі нашай працы:

Ахова прыроды і спрыянне яе аднаўленню.
Пашырэнне ўдзелу грамадскасці ў прыняцці экалагічна значных рашэнняў.
Развіццё грамадскага зялёнага руху ў Беларусі.

Дзейнасць таварыства заснаваная на прынцыпах Хартыі Зямлі, Грамадзянскай Хартыі, устойлівага развіцця, справядлівасці, празрыстасці, дэмакратычнага ўдзелу, павагі правоў чалавека і гендарнай роўнасці.

Мы актыўна супрацоўнічаем з органамі дзяржаўнага кіравання, эканамічнымі супольнасцямі, якія падзяляюць наш клопат пра экалогію Беларусі, а таксама з шэрагам іншых арганізацый грамадзянскай супольнасці і бізнесам.

Зялёная сетка – актыўны ўдзельнік Нацыянальнай платформы Форуму грамадзянскай супольнасці Усходняга партнёрства, прадстаўнік Сеткі з'яўляецца сукаардынатарам Рабочай групы 3 Форуму (Клімат, энергетыка і навакольнае асяроддзе), а таксама міжнароднай сеткі Climate Action Network ва Усходняй Еўропе, на Каўказе і ў Цэнтральнай Азіі.