Аляксандр Пукшанскі

У Віцебскім раёне ў рамках праекта ЕС/ПРААН «Садзейнічанне развіццю на мясцовым узроўні ў Рэспубліцы Беларусь» плануюць рэалізаваць цікавыя ідэі ў пытаннях экалагічнай асветы і добраўпарадкавання. У ліку іншага задумалі дапамагаць фермерам, якія вырошчваюць экалагічна чыстую прадукцыю. Падтрымаюць энтузіястаў у галіне экалагічнага і аграрнага турызму.

Наш былы суайчыннік, які зараз жыве ў Швецыі, на дабраахвотных пачатках спрабуе арганізаваць у Беларусі перадавую форму збору тары. Але пакуль ідэя ўвасабляецца ў тым, што дзеці з двух краін бяруць удзел у конкурсе малюнкаў «Зялёная кропка».