Сажайте деревья, а не журналистов

У Мінскім гарадскім заапарку загінула зубраня, мянушку якому выбіралі ўсім светам

Зубраня нарадзілася ў Мінскім гарадскім заапарку ў ноч з 12 на 14 мая 2018 года. Яго з’яўленне на свет у няволі стал сапраўднай падзеяй, як для самой установы, так і для гараджан.

26.12.2018 Падзеі і здарэнні Аўтар: Хрысціна Чарняўская Фота: sputnik.by, minskzoo.by, Хрысціна Чарняўская

Мянушку маладому волату прапанавалі выбраць людзям на адмысловым конкурсе. Удзел у ім прынялі дзве тысячы чалавек. Па выніку зубраня назвалі Булатам. Аднак жыццё Булата было непрацяглым, на момант здарэння яму было ўсяго восем месяцаў.

Інфармацыю пра няшчасны выпадак Зялёнаму парталу паведаміла крыніца вартая даверу, якая пажадала застацца не названай. Па словах інсайдэра, Булат павінны быў пераехаць жыць у адзін з заапаркаў Казахстана. Але пры транспарціроўцы зубр атрымаў траўмы несумяшчальныя з жыццём.

Зялёны партал звярнуўся за каментаром да вядучага заатэхнолага ўстановы Аляўціны Цімашковай-Красоўскай, каб спраўдзіць інфармацыю.

Яна пацвердзіла, што Булата сапраўды павінны былі перавезці ў Шымкенцкі заапарк, дзе яго чакала самка, з якой ён мусіў стварыць пару. Аднак зубр памёр. Праўда абставінаў смерці зубра заатэхнолаг не распавяла.

"Такое здараецца не толькі з жывёламі, але і з людзьмі. Абставіны склаліся так, што ён загінуў, па незалежных ад людзей прычынах", — патлумачыла спецыялістка.

Фота - Хрысціна Чарняўская

У Мінскім заапарку застаецца жыць пара зуброў, што яшчэ можа даць патомтсва.

Зазначым, што пры нараджэнні Булата дарослага самца адсаджвалі ў суседні вальер, каб ён не нашкодзіў выпадкова зубраня, пакідаючы клапаціцца пра яго толькі маці.


ІНШЫЯ НАВІНЫ РУБРЫКІ

Падзяліцца: 26.12.2018

Перадрук матэрыялаў магчымы пры абавязковай наяўнасці зваротнай і актыўнай гіперспасылкі.