Сярод мноства цікавых, карысных і актуальных ініцыятыў прадстаўлены таксама некалькі экалагічных і каляэкалагічных праектаў і кампаній, што намагаюцца зрабіць свет вакол нас лепшым, цікавейшым, чысцейшым і больш справядлівым.
Ігар Корзун і кампанія "Гарадскі Ляснічы"
Кампанія "Гарадскі Ляснічы" узнікла ў асяродку таварыства "Зялёная сетка" ў працяг кампаніі "Захавай дрэва". Ідэйным натхняльнікам яе стаў Ігар Корзун.
Намаганнямі каардынатара і актывістаў_ак кампаніі ў людзей з'явілася магчымасць адчуць каштоўнасны змест гарадскіх зялёных насаджэнняў, іх значэнне і разнастайнасць у гістарычным зрэзе развіцця гарадской прасторы. А таксама паглядзець і пазнаёміцца з нязведанай сталіцай праз вялікі гарадскі марафон, і з незвычайным, зусім неваенным Брэстам праз аднайменны марафон для гэтага горада.
- Спыніся і пабач. Гарадскія Ляснічыя пра брэсцкі марафон, які змяняе свядомасць і адкрывае прыхаваны горад
- Дикая природа, лабрадвор и шутки про подростковый секс. В Минске прошёл пятый прогулочный марафон
Любім нашыя дрэвы і падтрымліваем Гарадскога Ляснічага!
Ігар Корзун прадстаўлены ў намінацыі "Вечны рухавік у моладзевым сектары". Прагаласаваць можна па спасылцы.
Кампанія "Стоп Е-40"
Міжнародная кампанія "Стоп Е-40" з'яўляецца водгукам на намер трох краін — Польшчы, Беларусі і Украіны, пабудаваць водны шлях, які б спалучаў Балтыйскае і Чорныя мары. Па задуме шлях мусіць закрануць рэгі: Буг, Прыпяць і Дняпро.
Беларускія эколагі ўпэўненыя, што такога кшталту транспартны шлях не толькі немэтазгодны з пункту гледжання фінансаў, у першую чаргу ён пагражае ўнікальнай і непаўторнай палесскай прыродзе і яе экасістэмам.
Кампанія рэалізуецца сіламі двуг грамадскіх арганізацый — "Багна" і "Ахова птушак Бацькаўшычыны". Экалагічную кааліцыю па пытаннях будаўніцтва воднага шляха Е-40 таксама склалі: грамадскае аб'яднанне "Экадом", таварыства "Зялёная сетка", установа "Цэнтр экалагічных рашэнняў", фонд "За чыстую Прыпяць" і грамадская арганізацыя "Час Зямлі".
Клапоцімся пра чароўную беларускую прыроду і галасуем за "Стоп Е-40"!
Кампанія прадстаўлена ў намінацыі "Прыз глядацкіх сімпатый". Прагаласаваць можна па спасылцы.
Фестываль дакументальнага экалагічнага кіно "Планетарый"
У 2018 годзе фестывалю споўнілася два гады. І ён ужо паспеў палюбіцца сталічнаму гледачу, як рупар якаснага, прыгожага, натхняльнага і зусім несумнага кіно пра дзівосны свет прыроды, пра праблемы і катастрофы наваколля, што здараюцца праз дзенасць чалавека.
У сыходзячым годзе "Планетарый" атрымаў як глядасцкую падтрымку, так і парнёрскую, што дазволіла зрабіць яго больш маштабным і ўстойлівым.
Чакаем новых праглядаў і сустрэч у кінатэатрах, галасуем за "Планетарый"!
Кінафестываль прадстаўлены ў намінацыі "Прыз глядацкіх сімпатый". Прагаласаваць можна па спасылцы.
ZeroWaste мапа
Ужо мала правільна сартыраваць адходы і збіраць другасныя матэрыяльныя рэсурсы. Надышоў час папроста скарачаць утварэнне непатрэбнага смецця. Менавіта з гэтай мэтай была створана ZeroWaste мапа — як гайд па месцах, якія дазваляюць мінчанам пакінуць найменшы экалагічны след.
Праект мапы рэалізецца ўстановай "Цэнтр экалагічных рашэнняў".
Думаем пра сваё заўтра і падтрымліваем ZeroWaste мапу!
Праект прадстаўлены ў намінацыі "Прыз глядацкіх сімпатый". Прагаласаваць можна па спасылцы.
Друкарскі кааператыў "Лістоўка"
Гэта выдатны прыклад працоўнага калектыва, што падтрымлівае і прасоўвае ў сваёй дзейнасці гарызантальныя адносіны - калі кожны супрацоўнік_ца роўныя ў сваіх пазіцыях і маюць права аднолькава ўдзельнічаць у прыняцці рашэнняў.
Да ўсяго, у кааператыве са старта вельмі сур'ёзна паставіліся да пытанняў аховы навакольнага асяроддзя і змяншэння экалагічнага следу ад сваёй дзейнасці - праз выкарыстанне выключна сертыфікаванай і другаснаперапрацаванай паперы.
Разумеем, што робім і падтрымліваем Лістоўку.
Кааператыў прадстаўлены ў намінацыі "Прыз глядацкіх сімпатый". Прагаласаваць можна па спасылцы.