Сяргей Саковіч

Сапраўдныя выспы жыцця і неверагоднай прыгажосці. Гэтак можна коратка ахарактарызаваць балотныя азёры, якіх на сённяшні дзень на Гарадзеншчыне засталося зусім няшмат. На пошукі такіх мы адправіліся на Лідчыну, на балота пад назвай Дакудаўскае. Калі глянуць на мапу канца XIX стагоддзя, то можна заўважыць, што задоўга да пачатку гаспадарчай дзейнасці на Дакудаўскім балоце было прынамсі тры дастаткова буйных возера пад назвамі Лебедзева, Глухава і Сцеркава. Што на іх месцы знаходзіцца сёння? Чым балотныя азёры ўвогуле адметныя і чым прынцыпова адрозніваюцца ад большасці звычайных азёр? Мы

Цецярук, сокал-кабец, кулік-случок, рачная крычка ці балотны лунь. Якая з гэтых птушак стане сімвалам Лідчыны? Паводле ініцыятывы грамадскай арганізацыі «Ахова птушак Бацькаўшчыны», у Беларусі праводзіцца кампанія па выбары птушкі-сімвала для кожнага раёна краіны. Для Лідcкага раёна адмыслоўцы прапанавалі на выбар ажно пяць відаў птушак. Пра крытэрыі адбору і саміх «кандыдатаў» мы паразмаўлялі з адмыслоўцам, сябрам савета Гродзенскага абласнога аддзялення АПБ, лідчанінам Юрыям Квачам.

Надыход цёплага перыяду года ёсць добрай нагодай для планаў на прыгожыя кадры дзікай прыроды, асабіва яе самых дробных прадстаўнікоў — насякомых ды павукоў. Нездарма макраздымка — адзін з маіх самых любімых тыпаў здымкі. І прычынаў тут цэлы шэраг. Напрыклад, пабачыўшы зблізку павучка, вы ніколі больш не назавеце яго страшным.

Каб зрабіць удалы кадр якой-небудзь птушкі, можна згубіць і дзень, і два. Часам добрая тэхніка, разлік, цярпенне, нават хуткая рэакцыя не даюць эфекту без пэўнага поспеху. Фатограф-аматар Сяргей Саковіч распавядае пра хітрыкі, як удаецца зрабіць прыгожы кадр.

На мінулых выходных у гродзенскай гімназіі №1 адбылася традыцыйная канферэнцыя «Птушкі штодня», якую зладзілі сябры Гродзенскага аддзялення арганізацыі «Ахова птушак Бацькаўшчыны». Гэтым разам яна была прысвечана памяці аднаго з першых і лепшых гарадзенскіх аператараў і фатографаў дзікай прыроды, ганаровага сябра «АПБ», Георгія Гулеўскага, які пакінуў гэты свет сёлета, напрыканцы студзеня.