Хрысціна Чарняўская

З моманту з'яўлення ў Мінску сэрвіса Recycling Taxi пачаўся неверагодны ажыятаж на яго паслугі. У тым ліку паступаюць запыты пра смеццевую службу і на гарачую лінію ''Зялёнага тэлефона''. Зялёны партал вырашыў правесці эксперымент: сабраць смецце і скарыстацца сэрвісам.

Скандальная гісторыя з высечкамі ў польскай частцы Белавежскай пушчы абляцела беларускія і міжнародныя медыя. Аднак мала каму вядома, што ў гістарычнай сталіцы суседняй краіны — Кракаве — улады маюць намер знішчыць унікальны ландшафтны запаведнік. Пра гэта Зялёнаму парталу на рэдакцыйную скрынку напісаў Якуб Логінаў, па інфармацыі якога мы і публікуем дадзены матэрыял.

Сапраўдны непрыемны сюрпрыз падкінула надвор’е арганізатарам веладвіжу “Панаехалі”, які быў запланаваны на гэтую нядзелю ў Культ.цэнтры ''Корпус''. Відавочна, што гледзячы за вакно, раварысты не тое, што не імкнуліся адправіцца ў трып па горадзе на веласіпедзе, але не жадалі ўвогуле вылазіць з дому. Адважны Зялёны партал коратка прабегся па івэнце дзеля тых, хто не патрапіў на ''Панаехалі''.

У Беларусі пастановай Савета Міністраў №567 ад 28 ліпеня зацверджана Нацыянальная стратэгія па абыходжанні з цвёрдымі камунальнымі адходамі і другаснымі матэрыяльнымі рэсурсамі на перыяд да 2035 года. Пастанова ўступіць у сілу пасля афіцыйнага публікавання. А пакуль карэспандэнт Зялёнага партала даведаўся ў экспертаў як яны ацэньваюць стратэгію па адходам.

Беларусь губляе водныя рэсурсы. Праблема становіцца відавочнай не толькі на паверхні, знікаюць грунтовыя воды. На сустрэчы экалагічных НДА – V Форуме – эксперты шукалі спосабы заявіць пра праблему.

Лета шчодра адорвае сваімі скарбамі, на кірмашах і паліцах крам ужо можна знайсці маладую гародніну: бурачкі, моркву, бульбу. Праект «VeganFood» прапануе рэцэпт для аматараў яркіх міксаў.

Праблема спажывецкага стаўлення да грамадскіх арганізацый відавочная. Аднак самі экалагічныя актывісты не лічаць сябе «пажарнымі» камандамі і жадаюць бачыць больш уключанасці грамадзян у працэсы праняцця рашэнняў. На V Форуме экаНДА ўзяліся разабрацца, чаму грамадскія экалагічныя арганізацыі Беларусі застаюцца сёння без актыўнай падтрымкі людзей.

Сёлетняй тэмай мерапрыемтсва стала прыцягненне людзей да аховы навакольнага асяроддзя. У першы дзень на сустрэчы падвялі вынікі за два гады дзейнасці ў экалагічнай галіне.

У той час, як розныя краіны свету адмаўляюцца ад выкарыстання жывёл ў забаўляльнай індустрыі з-за празмернай жорсткасці дрэсіроўкі і немагчымасці стварыць вартыя ўмовы жыцця для «артыстаў», Беларусь працягвае карыстацца ўсімі дасягненнямі гэтай галіны. Зялёны партал высвятляў, чаму мы пакуль не ў стане адмовіцца ад выкарыстання жывой прыроды ў сваё задавальненне.

Супрацьстаянне за сквер «Котаўка» скончылася, зараз там назіраецца зацішша, і быццам бы нічога не адбываецца. Аднак гэта зусім не так. Зялёны партал пагутарыў з Інай Панчкоўскай з прававога аддзела Таварыства «Зялёная сетка», Ігарам Корзунам, каардынатарам кампаніі «Гарадскі Ляснічы», і Андрэем Карпека з Мінскай урбаністычнай платформы пра добраўпарадкаванне сквера, камунікацыю з мясцовымі жыхарамі і дзяржаўнымі органамі і пра тое, хто і за што нясе адказнасць у Котаўцы.

Клімат змяняецца і глабальныя пераўтварэнні непазбежны, упэўнены Міхаіл Юлкін з расійскага Цэнтра экалагічных інвестыцый. Бізнэс-кампаніі і палітычныя лідары, што да гэтага часу робяць стаўку на выкапнёвае паліва, дапускаюць фатальную памылку. Зялёны партал разбіраецца з экспертам, чаму мы мусім адмаўляцца ад традыцыйных крыніц энергіі і як адаптуецца бізнэс пад новыя эканамічныя ўмовы.

Разабрацца ў пытаннях глабальнага змянення клімату самастойна бывае не так проста. У інфармацыйнай патоку можна вылавіць мноства меркаванняў «за» і «супраць» кліматычных змяненняў, і часам даволі разумныя доказы. У спробе расставіць усе кропкі над «і» Таварыства «Зялёная сетка» у супрацы з Лятучым універсітэтам, праектам «Навука па-за сябе» і пры падтрымцы Французскай амбасады запрасіла ў Мінск двух расійскіх экспертаў Аляксея Какорына, кандыдата фізіка-матэматычных навук па спецыяльнасці «геафізіка», члена Міжурадавай групы экспертаў па змяненні клімата (ІРСС), кіраўніка праекта «Клімат і

Літва не атрымала падтрымкі на сустрэчы Парламецкай асамблеі АБСЕ у Мінску па сваёй крытычнай рэзалюцыі ў дачыненні да Беларусі, у тым ліку па пытаннях будаўніцтва АЭС. Большасцю галасоў было вырашана не ставіць у павестку дня дзеля абмеркавання гэтага дакумента, што выклікала шок у літоўскага бока. Зялёны партал пацікавіўся ў дырэктара Цэнтра еўрапейскай трансфармацыі і сябра Савета Зялёнай сеткі Андрэя Ягорава, чым можна патлумачыць такія паводзіны прадстаўнікоў Еўразвязу.

Міністэрства лясной гаспадаркі адмовілася ад экспертнай дапамогі незалежных эколагаў па ўдасканаленні Правіл вядзення паляўнічай гаспадаркі і палявання. Грамадскія арганізацыі «Ахова птушак Бацькаўшчыны» і «Багна» здзіўлены, чаму дзяржаўнаму органу не спатрэбіўся іх вопыт.

Як вужам на сонцы, давялося круціцца ўчора прадстаўнікам улады на сустрэчы з жыхарамі Бараўлян. Абмеркаванні генплана прайшлі, але праект не задавальняе людзей, ды й нармальнай прэзентацыі ніхто не праводзіў, сцвярджаюць яны.

Ва ўсіх сэнсах гарачымі атрымаліся грамадскія абмеркаванні праекта плана дэтальнай забудовы Асмалоўкі. Зала адміністрацыі Цэнтральнага раёна, разлічаная больш чым на 200 чалавек, не змагла змясціць усіх жадаючых, што прыйшлі даведацца пра лёс мінскіх кварталаў у межах вуліц Старавіленскай — Кісялёва — Куйбышава — Камуністычнай. І бадай што першы раз за апошні час абмеркаванні сабралі не толькі мясцовых жыхароў, чыноўнікаў і журналістаў, але і прадстаўнікоў разнастайных тусовак: урбаністаў, гісторыкаў, моладзевых, экалагічных і сацыяльных актывістаў.

Зялёны партал часта піша пра грамадскія абмеркаванні праектаў, небяспечных для экалагічнага стану. У такіх справах эколагі абапіраюцца на ацэнку ўздзеяння на навакольнае асяроддзе (АУНА), і ў спрэчках з інвестарамі гэта бадай што адзіная падмога. Мы знайшлі распрацоўшчыкаў АУНА, якія расказалі, з чаго складаецца гэты дакумент, наколькі ён патрэбны грамадзянам, і чаму трэба прымаць удзел у грамадскіх абмеркаваннях.

Самі на тое не разлічваючы, арганізатары выставы «Ціхі горад» у Галерэі сучаснага мастацтва «Ў» зладзілі сваё мерапрыемства ў вельмі актуальны час, калі сталічны раён Асмалоўку зноў хочуць знесці.

Напярэдадні сустрэчы бакоў Канвенцыі Эспа ў Мінску, дзе абмяркоўваецца пытанне Беларускай АЭС, на «ЭКСПА-2017» у Астане наш намеснік міністра энергетыкі паскардзіўся, што ніхто не жадае набываць энергію з будучай атамнай станцыі.

Сёння стала вядома пра грамадскія абмеркаванні праекта забудовы сталічнага раёна Асмалоўка, згодна з якім два кварталы з двухпавярховымі будынкамі цалкам ідуць пад знос. Навіну Зялёнаму парталу каментуе беларускі мастак, літаратар, гісторык мастацтва, культуролаг, мастацтвазнаўца і аўтар цэлай кніжкі, прысвечанай Асмалоўцы, Сяргей Харэўскі.

Спецыялісты УП «Мінскграда» распрацавалі праект «Схема аптымізацыі памераў санітарна-ахоўных зон». Згодна з ім, у Мінску могуць вызваліць 2882 га пад ландшафтна-рэкрэацыйныя тэрыторыі, жылую і грамадскую забудову. Зялёны партал разбіраецца, што за свабодныя землі ў сталіцы.

Да 12 чэрвеня праводзяцца грамадскія абмеркаванні справаздачы па Ацэнцы ўздзеяння на навакольнае асяроддзе (АУНА) базы адпачынку «Рудакова», што размешчана на беразе аднайменнага возера.

У той час, калі беларускай частцы Белавежскай пушчы яшчэ на год падоўжылі дзейнасць міжнароднага сертыфіката па экалагічным кіраванні, на польскай палове адбываецца бязлітасная барацьба за дрэвы. Экаактывісты і мясцовыя жыхары ўжо некалькі дзён дзяжураць у лесе і не даюць лесасекам секчы. Карэспандэнт Зялёнага партала звязаўся з адным з іх, каб даведацца пра падрабязнасці канфлікту.

У Беларусі падрыхтавалі канцэпцыю закона аб ахове і выкарыстанні балот. Міністэрства прыродных рэсурсаў і аховы навакольнага асяроддзя запрашае грамадскасць яе абмеркаваць.

У Беларусі стварылі дадатак для смартфонаў, які правярае тавары на прыязнасць і падказвае, дзе можна набыць іх са зніжкай. Неверагодна карысная рэч для тых, хто клапоціцца аб здароўі і жадае харчавацца правільна.

Мінскі заапарк лічыцца вельмі маладым: у гэтым годзе яму споўніцца толькі 33 гады. Але за час існавання калекцыя яго жывёл узрасла да 450 відаў, што агулам складае каля 2000 экзэмпляраў. Зялёны партал даведаўся ў начальніка заатэхнічнага аддзела Мінскага заапарка Таццяны Iльясавай-Конанавай, якія жывёлы жывуць у заапарку, як яны размнажаюцца ў няволі і чаму здараюцца няшчасныя выпадкі.

Падавалася, разгул стыхіі раней можна было пабачыць толькі ў фантастычных фільмах ці постапакаліптычных, сюжэт якіх будуецца на «прадказанні» будучага чалавецтва. Аднак усё часцей праліўныя дажджы, парывісты вецер ці засушлівая спякота становяцца нашай рэальнасцю. Вы яшчэ не верыце ў змяненне клімату?

Надзея сёлета сканчае геаграфічны факультэт Беларускага дзяржаўнага ўніверсітэта. Яна марыць займацца навукай, калі-небудзь пабываць на полюсе, але пры гэтым не збіраецца адмаўляцца ад свайго хоббі — графічнага дызайну і дапамогі «зялёным» арганізацыям. Зялёны партал працягвае знаёміць сваіх чытачоў з актыўнымі памочнікамі і валанцёрамі Таварыства «Зялёная сетка».

Восенню мінулага года кедры, а дакладней акцыя па абмену макулатуры на маладыя дрэўцы, якую зладзіла кампанія «Гарадскі Ляснічы», у літаральным сэнсе ўзбудзіла мінчан. І ў гэты чацвер, 25 мая, ёсць верагоднасць, што ажыятаж будзе не меншым. Зялёны партал высвятляў, наколькі гэтым разам падрыхтаваліся арганізатары і ці падкрэслілі памылкі мінулага.

18 год свайго жыцця Аня пражыла ў Казахстане. Скончыла там сярэднюю школу, а вось вышэйшую адукацыю захацела атрымаць у іншай краіне: выбар прыпаў на Беларусь. Сёння дзяўчына навучаецца ў Мінскім дзяржаўным лінгвістычным універсітэце, шмат падарожнічае і валанцёрыць, дапамагае разнастайным сацыяльным і культурніцкім праектам. Зялёны партал працягвае знаёміць сваіх чытачоў з валанцёрамі і валанцёркамі Таварыства «Зялёная сетка».